Mega Block in WR : વેસ્ટર્ન રેલવેમાં આજે રાત્રે મેગા બ્લૉક, લાંબા અંતરની ટ્રેનોને થશે અસર

અંધેરીના ગોખલે બ્રિજના ગર્ડરનું કામ હોવાને કારણે આજે રાતથી કાલ સવાર સુધી બ્લૉક

લોકલ ટ્રેનની ફાઇલ તસવીર

મુંબઈ (Mumbai)માં પશ્ચિમ રેલવે (Western Railway) માર્ગથી મુસાફરી કરતા પ્રવાસીઓએ આજે થોડીક સાવચેતી રાખવાની જરુર રહેશે. જો તમે પશ્ચિમ રેલવેના માધ્યમથી પ્રવાસ કરવાના હો તો તમારે થોડુંક પ્લાનિંગ કરીને નીકળવું પડશે. કારણકે આજે એટલે કે બીજી ડિસેમ્બરના રોજ રાત્રે પશ્ચિમ રેલવેમાં મેગા બ્લૉક (Mega Block) છે. અંધેરી (Andheri)ના ગોખલે બ્રિજ (Gokhale Bridge)ના ગર્ડરના કામને કારણે આ બ્લૉક છે. જેની અસર લાંબા અંતરની ટ્રેનો (Long Distance Trains)ને થશે.

મુંબઈમાં ગોખલે રોડ ઓવર બ્રિજના પ્રથમ વેબ ગર્ડરના લોકાર્પણને કારણે કેટલીક ટ્રેનોને અસર થશે. પશ્ર્ચિમ રેલવેએ ગર્ડરો મૂકવા માટે મેગા બ્લૉકની જાહેરાત કરી છે. અંધેરી અને વિલે પાર્લે (Vile Parle) વચ્ચે ગોખલે રોડ ઓવર બ્રિજ (ROB)ના પ્રથમ ઓપન વેબ ગર્ડરના લોકાર્પણના કારણે બીજી ડિસેમ્બર એટલે કે શનિવારની રાતથી ત્રીજી ડિસેમ્બર રવિવારની સવાર સુધી તમામ લાઈનો પર મેગા બ્લૉક રહેશે. આ બ્લૉક શનિવારે રાત્રે ૦૦.૪૫થી શરુ થશે અને રવિવારે સવારે ૦૪.૪૫ સુધી રહેશે.

પશ્ચિમ રેલવેના ચીફ પ્બલિક રિલેશન ઓફિસર (Chief PRO) સુમિત ઠાકુર (Sumit Thakur)એ જણાવ્યું હતું કે, શનિવારે રાત્રે ૦.૪૫ થી રવિવારે સવારે ૦૪.૪૫ સુધીના મેગા બ્લૉકના સમયગાળા દરમિયાન કેટલીક ઉપનગરીય સેવાઓ રદ રહેશે, જેની સૂચિ ઉપનગરીય વિભાગના સંબંધિત સ્ટેશનો પર ઉપલબ્ધ રહેશે.

મેગા બ્લૉક દરમિયાન પ્રભાવિત થનારી ટ્રેનની યાદી નીચે મુજબ છે:-

આ લોકલ ટ્રેનોને થશે અસર

• ડાઉન દિશામાં ચર્ચગેટથી વિરાર સુધીની છેલ્લી ધીમી લોકલ ચર્ચગેટથી 58 કલાકે ઉપડશે અને 01.40 કલાકે વિરાર પહોંચશે.
• ચર્ચગેટથી બોરીવલી સુધીની છેલ્લી ધીમી લોકલ ડાઉન દિશામાં ચર્ચગેટથી 52 કલાકે ઉપડશે અને 00.58 કલાકે બોરીવલી પહોંચશે.
• ડાઉન દિશામાં ચર્ચગેટથી બાંદ્રા સુધીની છેલ્લી ધીમી લોકલ ચર્ચગેટથી 00 વાગ્યે ઉપડશે અને 01.30 વાગ્યે બાંદ્રા પહોંચશે.
• ઉપરની દિશામાં, વિરારથી ચર્ચગેટ સુધીની છેલ્લી ધીમી લોકલ વિરારથી 49 કલાકે ઉપડશે અને 01.26 કલાકે ચર્ચગેટ પહોંચશે.
• બોરીવલીથી ચર્ચગેટ સુધીની અપ દિશામાં છેલ્લી ધીમી લોકલ બોરીવલીથી 10 કલાકે ઉપડશે અને 01.15 કલાકે ચર્ચગેટ પહોંચશે.
• ઉપરની દિશામાં, વિરારથી ગોરેગાંવ સુધીની છેલ્લી ધીમી લોકલ વિરારથી 05 કલાકે ઉપડશે અને 00.50 કલાકે ગોરેગાંવ પહોંચશે.

લાંબા અંતરની આ ટ્રેનોને થશે અસર

• ટ્રેન નંબર 19038 બરૌની-બાંદ્રા ટર્મિનસ અવધ એક્સપ્રેસ બોરીવલી ખાતે ટૂંકા ગાળા માટે બંધ કરવામાં આવશે
• ટ્રેન નંબર 09184 બનારસ-મુંબઈ સેન્ટ્રલ વીકલી સ્પેશિયલ સુરત-વિરાર સેક્શન વચ્ચે 60 મિનિટમાં રેગ્યુલેટ કરવામાં આવશે
• ટ્રેન નંબર 09052 ભુસાવલ-મુંબઈ સેન્ટ્રલ ટ્રાઇ-વીકલી સ્પેશિયલ સુરત-વિરાર સેક્શન વચ્ચે 30 મિનિટમાં રેગ્યુલેટ કરવામાં આવશે
• ટ્રેન નંબર 22946 ઓખા-મુંબઈ સેન્ટ્રલ સૌરાષ્ટ્ર મેલ ગોરેગાંવ ખાતે 40 મિનિટ માટે રેગ્યુલેટ કરવામાં આવશે
• ટ્રેન નંબર 22904 ભુજ-બાંદ્રા ટર્મિનસ સુપરફાસ્ટ એસી એક્સપ્રેસ 2023 વિરાર-અંધેરી વચ્ચે 15 મિનિટ દ્વારા નિયંત્રિત કરવામાં આવશે

મુંબઇગરાંઓ આજે પશ્ચિમ રેલવેમાં મુસાફરી કરતા પહેલાં મેગા બ્લૉકને ધ્યાનમાં રાખજો.