નવી મુંબઈમાં મોડી રાતે યુવાને બિઅર પીતાં-પીતાં કાર ચલાવીને કર્યો અકસ્માત

ઐરોલીમાં રહેતા યુવાનનું મૃત્યુ, તેની પત્ની અને પુત્રીની હાલત ગંભીર

અકસ્માત બાદ મનીષની કાર અને ઓમકારની કાર

નવી મુંબઈના પામ બીચ રોડ પર બુધવારે મોડી રાત્રે થયેલા અકસ્માતમાં ઐરોલીના સેક્ટર ૯માં રહેતા ૪૦ વર્ષના મનીષ પેડણેકરનું મૃત્યુ થયું હતું, જ્યારે તેની ૩૬ વર્ષની પત્ની સ્નેહા અને ૪ વર્ષની પુત્રી અનન્યાની હાલત ગંભીર છે. નેરુલ પોલીસે આ ઘટનાની ફરિયાદ નોંધીને દારૂ પીને ગાડી ચલાવતા ૨૬ વર્ષના ઓમકાર મોરેની ગઈ કાલે સવારે ધરપકડ કરી હતી. પ્રાથમિક માહિતીના આધારે તપાસ કરતાં ઓમકાર બિઅર પીતાં-પીતાં કાર ચલાવી રહ્યો હોવાનું જાણવા મળ્યું આવ્યું છે. પોલીસે નજીકના વિસ્તારોમાં લાગેલા ક્લોઝ્ડ સર્કિટ ટેલિવિઝન (CCTV) કૅમેરાનાં ફુટેજના આધારે તપાસ શરૂ કરી છે.