મહા વિકાસ આઘાડીના લોકોએ વિકાસના કામ પર રોક લગાડવામાં PhD કરી છેઃ મોદી

જાહેર સભામાં પીએમ મોદી

ગઈ કાલે ભારતીય જનતા પાર્ટી (BJP) અને મહાયુતિના ઉમેદવારો માટે પ્રચાર કરવા મહારાષ્ટ્ર આવેલા વડા પ્રધાન નરેન્દ્ર મોદીએ ચંદ્રપુર, સોલાપુર અને પુણેમાં કૉન્ગ્રેસ પર જોરદાર પ્રહાર કર્યા હતા. તેમણે મહા વિકાસ આઘાડીને ભ્રષ્ટાચારની સૌથી મોટી ખિલાડી કહીને લોકોને કહ્યું હતું કે આ લોકોએ વિકાસના કામ પર રોક લગાડવામાં PhD (ડૉક્ટર ઑફ ફિલોસૉફી) કરી છે. ગઈ કાલે તુલસીવિવાહ હોવાથી સોલાપુરમાં તેમને તુલસીનો હાર પહેરાવવામાં આવ્યો હતો, જ્યારે ચંદ્રપુરમાં પાર્ટીના નેતાઓ દ્વારા વડા પ્રધાનને વાઘનું સન્માન ચિહ્‍‍ન આપવામાં આવ્યું હતું.