સ્ટેટ બોર્ડની બારમાની પરીક્ષા ૧૧ અને દસમાની ૨૧ ફેબ્રુઆરીથી

સેન્ટ્રલ બોર્ડ ઑફ સેકન્ડરી એજ્યુકેશન (CBSE)એ પણ એની દસમા અને બારમાની પરીક્ષાની તારીખો જાહેર કરી દીધી છે

પ્રતીકાત્મક તસવીર

મહારાષ્ટ્ર બોર્ડ ઑફ સેકન્ડરી ઍન્ડ હાયર સેકન્ડરી એજ્યુકેશન ડિપાર્ટમેન્ટે દસમા અને બારમાની પરીક્ષાની તારીખોની જાહેરાત કરી છે. આ વખતે બારમા ધોરણની પરીક્ષા ૧૧ ફેબ્રુઆરીએ શરૂ થશે અને ૧૮ માર્ચના પૂરી થશે, જ્યારે દસમા ધોરણની પરીક્ષા ૨૧ ફેબ્રુઆરીએ શરૂ થઈને ૧૭ માર્ચના પૂરી થઈ જશે.

સેન્ટ્રલ બોર્ડ ઑફ સેકન્ડરી એજ્યુકેશન (CBSE)એ પણ એની દસમા અને બારમાની પરીક્ષાની તારીખો જાહેર કરી દીધી છે. બન્ને પરીક્ષા એકસાથે ૧૫ ફેબ્રુઆરીએ શરૂ થશે અને દસમા ધોરણની પરીક્ષા ૧૮ માર્ચ અને બારમા ધોરણની પરીક્ષા ૪ એપ્રિલ સુધી ચાલશે.