14 February, 2023 07:37 PM IST | Mumbai | Gujarati Mid-day Online Correspondent
પ્રતીકાત્મક તસવીર
આયકર (Income Tax Department) વિભાગે આજે કરચોરી તપાસ હેઠળ દિલ્હી (Delhi) અને મુંબઈમાં (Mumbai) બીબીસીની ઑફિસોમાં એક `સર્વે ઑપરેશન` ચલાવ્યું. પ્રસારક દ્વારા 2002ના ગુજરાત દંગા અને ભારત પર બે-ભાગના વૃત્તચિત્રને પ્રસારિત કરવાના કેટલાક અઠવાડિયા બાદ આ કાર્યવાહી થઈ. હવે આ કાર્યવાહી પર વિપક્ષની પ્રતિક્રિયાઓ સામે આવી રહી છે અને કેન્દ્ર સરકાર પર નિશાન સાધવામાં આવી રહ્યા છે.
સમાજવાદી પાર્ટીના અધ્યક્ષ અખિલેશ યાદવે ટ્વીટ કરીને કહ્યું કે BBC પર દરોડાના સમાચાર `વૈચારિક ઈમર્જન્સી`ની ઘોષણા છે. એક અન્ય ટ્વીટમાં અખિલેશ યાદવે લખ્યું, `શાસન-પ્રશાસન જ્યારે અભય તેમજ નિર્ભયની જગ્યાએ ભય અને ઉત્પીડનના પ્રતીક બની જાય ત્યારે સમજી લેવું જોઈએ કે અંત નજીક છે.`
તૃણમૂલ કૉંગ્રેસ સાંસદ મહુઆ મોઈત્રાએ ટ્વીટ કરતા લખ્યું કે બીબીસીના દિલ્હી સ્થિત ઑફિસમાં ઈનકમ ટેક્સના સર્વેના સમાચાર ખરેખર? કેટલી જરૂરી.
પીડીપી નેતા મહબૂબી મુફ્તીએ આ મામલે કહ્યું કે બીબીસી ઑફિસના દરોડાના કારણ અને પ્રભાવ બિલકુલ સ્પષ્ટ છે. સાચ્ચુ બોલનારા GOI બેશરમ થઈને પરેશાન કરી રહી છે. પછી તે વિપક્ષના નેતા હોય, મીડિયા, કાર્યકર્તા કે કોઈ બીજું... હકિકત માટે લડવાની કિંમત ચૂકવવી પડે છે.
સીપીઆઈ (એમ)ના સાંસદ જૉન બ્રિટ્સે મામલે કહ્યું કે બ્રિટેનના વડાપ્રધાન ઋષિ સુનક કેવી પ્રતિક્રિયા આપશે?
કૉંગ્રેસના રાજ્યસભા સાંસદ કેસી વેણુગોપાલે કાર્યવાહીની નિંદા કરતા કહ્યું, આ બતાવે છે કે મોદી સરકાર ટીકાથી ડરી ગઈ છે. અમે ડરાવવા-ધમકાવવાની આ તરકીબોની આકરા શબ્દોમાં નિંદા કરીએ છીએ. આ અલોકતાંત્રિક અને તાનાશાહી વલણ હવે હજી નહીં ચાલી શકે.
રાજ્યસભા સાંસદ બિનૉય વિશ્વમે આ મામલે કહ્યું, જ્યારે પીએમ મોદી G-20ની અધ્યક્ષતા કરશે, તો તે પ્રેસની સ્વતંત્રતા પર ભારતના રેકૉર્ડ વિશે પૂછશે. શું તે ખરેખર આખો જવાબ આપી શકશે?
જેડીયૂના રાષ્ટ્રીય અધ્યક્ષ રાજીવ રંજન સિંહ ઉર્ફે લલન સિંહે ટ્વીટ કરીને લખ્યું કે આ કેવું લોકતંત્ર છે? જે પણ આના વિરોધ બોલશે કે લખશે, તેની સાથે આવું જ થશે. જેને પણ બોલવું હોય લખવું હોય, પહેલા તેમને બતાવવું પડશે, નહીંતર ખરાબ પરિણામ ભોગવવા પડશે. આખરે સરકારી પોપટનું કેટલું અને ત્યારે દુરુપયોગ કરશે @narendramodi સરકાર?
શિવસેના ઉદ્ધવ ઠાકરેના જૂથના નેતા, અને રાજ્યસભા સાંસદ, સંજય રાઉતે કહ્યું કે ભારતનું લોકતંત્ર જોખમમાં છે. અમે ભારતીય લોકતંત્ર માટે પોતાના લોહીના છેલ્લા ટીપા સુધી લડશે. જય હિંદ.
નોંધનીય છે કે આયકર વિભાગના 39 લોકો BBCની ઑફિસમાં સર્વે કરી રહ્યા છે. કસ્તૂરબા ગાંધી માર્ગમાં હિંદુસ્તાન ટાઈમ્સ બિલ્ડિંગના છઠ્ઠા માળેથી બીબીસીની ઑફિસ છે. અકાઉન્ટ્સ ડિપાર્ટમેન્ટ મેનલી મુંબઈ ઑફિસથી જ ઑપરેટ થાય છે. મુંબઈમાં 15 અધિકારી છે આયકર વિભાગના સર્વેમાં. તો, દિલ્હીમાં આઈટીની 24 લોકોની ટીમ બીબીસી ઑફિસમાં હાજર છે. કુલ ચાર ટીમ છે, જેમાં એક ટીમમાં આઈટીના 6 લોકો સામેલ છે.
આ પણ વાંચો : જાણીતા કેરેક્ટર એક્ટર જાવેદ ખાન અમરોહીનું નિધન, 50ની વયે વિશ્વને કહ્યું અલવિદા
તો બ્રિટેનના સાર્વજનિક પ્રસારક બીબીસીએ કહ્યું કે ભારતીય આયકર વિભાગના અધિકારી નવી દિલ્હી અને મુંબઈ સ્થિત તેમની ઑફિસમં છે તથા તે તેમની સાથે સંપૂર્ણ સહયોગ કરે છે. અધિકારીઓએ નવી દિલ્હીમાં જણાવ્યું કે આયકર વિભાગે મંગળવારે કહેવાતી કરચોરીની તપાસ હેઠળ દિલ્હી અને મુંબઈમાં બીબીસીની ઑફિસોમાં `સર્વે ઑપરેશન` ચલાવ્યું. બીબીસીની પ્રેસ ઑફિસે ટ્વીટ કર્યું છે, "આયકર અધિકારી આ સમય નવી દિલ્હી અને મુંબઈમાં બીબીસી ઑફિસમાં છે અને અમે સંપૂર્ણ રીતે સહયોગ કરી રહ્યા છીએ. અમને આશા છે કે આ સ્થિતિ ટૂંક સમયમાં જ ઉકેલાઈ જશે."