06 September, 2024 02:39 PM IST | Pune | Gujarati Mid-day Online Correspondent
ગણેશોત્સવ પહેલા બાપ્પાનું ભવ્ય સ્વાગત કરવામાં આવ્યું (પ્રતિકાત્મક તસવીર)
દેશભરમાં ગણેશોત્સવ 2024ની (Ganesh Utsav 2024) જોરદાર તૈયારીઓ ચાલી રહી છે. આવતી કાલે ગણેશચતુર્થી સાથે આ 10 દિવસીય તહેવાર શરૂ થઈ જશે. ગણેશોત્સવ માટે મોટાભાગના ગણેશ મંડળોએ ગણેશમુર્તિ લાવીને પંડાલમાં ડેકોરેશનની પણ લગભગ બધી જ તૈયારીઓ કરી દીધી છે. જો કે આ પંડાલના ડેકોરેશનને લીધે જ પુણેના એક ગણેશ મંડળ વિવાદમાં સપડાયું હોવાના સમાચાર સામે આવ્યા છે.
પુણે શહેરનો ગણેશોત્સવ સમગ્ર રાજ્યમાં જ નહીં પરંતુ આખા દેશ લોકપ્રિય છે, પરંતુ આ વર્ષે પુણેમાં એક ગણેશ મંડળ દ્વારા કરવામાં આવેલા એક ગણેશ મંડળના ડેકોરેશનને (Ganesh Utsav 2024) લઈને નવો વિવાદ ઉભો થયો છે. આ મંડળ દ્વારા અમૃતસર ખાતે આવેલા `સુવર્ણ મંદિર`ની પ્રતિકૃતિ ઊભી કરવામાં આવી છે જેને લઈને શિરોમણી ગુરુદ્વારા પ્રબંધક સમિતિ (SGPC) દ્વારા તેની સામે વિરોધ કરવામાં આવ્યો છે. મેનેજમેન્ટ કમિટીએ કહ્યું છે કે શ્રી હરમંદિર સાહિબની નકલ કરી શકાય નહીં. આ માટે શિરોમણી ગુરુદ્વારા પ્રબંધક સમિતિનું પ્રતિનિધિમંડળ આજે શુક્રવારે પુણે આવી રહ્યું છે. એક અહેવાલ મુજબ આ સમિતિએ બોર્ડને પગલાં લેવાની ચેતવણી આપી છે.
પંજાબમાં શિરોમણી ગુરુદ્વારા પ્રબંધક સમિતિએ અમૃતસર સુવર્ણ મંદિરના (Ganesh Utsav 2024) દેખાવ સામે વાંધો ઉઠાવ્યો છે. પુણેમાં સદાશિવ પેઠના છત્રપતિ રાજારામ મંડળે સુવર્ણ મંદિરની પ્રતિકૃતિનું બાંધકામ શરૂ કર્યું છે જેની સામે ગુરુદ્વારા પ્રબંધક સમિતિએ વાંધો ઉઠાવ્યો છે. સમિતિના અધ્યક્ષ હરજિન્દર સિંહ ધામીએ કહ્યું કે અમૃતસરનું સુવર્ણ મંદિર શીખો માટે પવિત્ર સ્થળ છે. જેથી ગણેશ મંડળ તેને પોતાનો દેખાવ તરીકે રજૂ કરી શકે નહીં. આવું કરવાથી શીખ સમુદાયની ભાવનાઓને ઠેસ પહોંચશે. આ શીખ પરંપરાઓ અને મૂલ્યોની વિરુદ્ધ છે. શીખોની સર્વોચ્ચ ધાર્મિક સમિતિએ જણાવ્યું હતું કે ગુરુદ્વારાની પ્રતિકૃતિની તપાસ માટે અમૃતસરથી એક ટીમ પુણે મોકલવામાં આવી છે.
દરમિયાન ગુરુવારે મંડળમાં સુવર્ણ મંદિરની પ્રતિકૃતિ ઊભી કરવાની કામગીરી પૂરજોશમાં શરૂ થઈ હતી. કારીગરોએ ભવ્ય બાંધકામો પર સોનેરી રંગ લગાવવાનું શરૂ કરી દીધું હતું. શિબિરમાં ગુરુદ્વારાના ટ્રસ્ટીઓએ (Ganesh Utsav 2024) જણાવ્યું કે મંડળના નિર્માણમાં તેમની કોઈ ભૂમિકા નથી. સુવર્ણ મંદિરની પ્રતિકૃતિ યોગ્ય રીતે થઈ રહી છે કે કેમ તે જોવા માટે તેમને મંડળ દ્વારા આમંત્રણ આપવામાં આવ્યું હતું. તે સમયે અમને તે સચોટ લાગ્યું. અમને ઉદ્ઘાટન માટે પણ આમંત્રણ આપવામાં આવ્યું હતું, પરંતુ જ્યારે અમૃતસરથી ફોન આવ્યો ત્યારે બોર્ડને સુવર્ણ મંદિરની પ્રતિકૃતિ બનાવવાની પરવાનગી આપવામાં આવી ન હતી.
છત્રપતિ રાજા રામ મંડળના (Ganesh Utsav 2024) પ્રમુખે આ મામલે કહ્યું હતું કે, સુવર્ણ મંદિર આપણા માટે આદર અને આસ્થાનું સ્થાન છે. અમે 12મી જુલાઈના રોજ નાંદેડના ગુરુદ્વારાને આ સંબંધમાં પત્ર પણ મોકલ્યો હતો. આ પત્રોમાં અમારા ગણેશ મંડળ માટે સુવર્ણ મંદિરની પ્રતિકૃતિ બનાવવા માટે આશીર્વાદ માંગવામાં આવ્યા હતા. અમે પુણેના તમામ 40 ગુરુદ્વારા સાથે ફોલોઅપ કર્યું અને અમારા વિચારો શૅર કર્યા. અમે તે મુજબ આયોજન કર્યું. ગણેશ મંડળની પ્રતિકૃતિ ઊભી કરવામાં બે-ત્રણ મહિનાનો સમય લાગ્યો છે. અમે કંઈ ખોટું થવા દઈશું નહીં.