બિલ્ડિંગના ગેટ સાથે કાર ટકરાતાં ભૂતપૂર્વ ક્રિકેટર વિનોદ કાંબળીની ધરપકડ અને જામીન પર છુટકારો

બાંદરામાં આવેલી તેની રહેણાક સોસાયટીના ગેટ સાથે રવિવારે બપોરે કાર ટકરાવતાં તેની ધરપકડ કરાઈ હતી

વિનોદ કાંબળી

ભૂતપૂર્વ ભારતીય ક્રિકેટર વિનોદ કાંબળીએ બાંદરામાં આવેલી તેની રહેણાક સોસાયટીના ગેટ સાથે રવિવારે બપોરે કાર ટકરાવતાં તેની ધરપકડ કરાઈ હતી. આ વિશે પોલીસ-અધિકારીએ જણાવ્યું હતું કે ‘કાંબળીએ કાર ટકરાવ્યા બાદ સંકુલના વૉચમૅન અને સોસાયટીના અન્ય રહીશો સાથે દલીલબાજી કરી હોવાથી તેની ધરપકડ કરાઈ હતી. પછીથી તેને જામીન પર છોડ્યો હતો.’