૧૯ લાખ રૂપિયાની નકલી નોટો જપ્ત : બેની ધરપકડ

મુંબઈ પોલીસે બે શખ્સોની ધરપકડ કરીને તેમની પાસેથી ૧૯ લાખ રૂપિયાની નકલી ચલણી નોટો જપ્ત કરી છે.

પ્રતિકાત્મક તસવીર

મુંબઈ (પી.ટી.આઇ.) : મુંબઈ પોલીસે બે શખ્સોની ધરપકડ કરીને તેમની પાસેથી ૧૯ લાખ રૂપિયાની નકલી ચલણી નોટો જપ્ત કરી છે.અધિકારીએ મંગળવારે આપેલી જાણકારી અનુસાર પોલીસે સોમવારે છટકું ગોઠવીને માલવણીથી એક આરોપીને એક લાખ રૂપિયાની નકલી ચલણી નોટો સાથે ઝડપી લીધો હતો.આરોપીએ તેના સાથીની માહિતી આપતાં તેને પાલઘર જિલ્લામાંથી ઝડપી લઈને તેના ઘરમાંથી ૧૮ લાખ રૂપિયાની નકલી નોટો કબજે કરાઈ છે. બન્ને આરોપીઓ પાસેથી પાસેથી ૫૦૦ રૂપિયાની ૧૭૯૬ નકલી નોટો, ૨૦૦૦ રૂપિયાની ૫૦૦ નકલી નોટો, ૨૦૦ રૂપિયાની પાંચ અને ૧૦૦ રૂપિયાની પાંચ નકલી નોટો જપ્ત કરીને આઇપીસીની લમ ૪૮૯-બી તથા અન્ય સુસંગત કલમો હેઠળ તેમની ધરપકડ કરવામાં આવી હતી.