23 August, 2024 07:58 PM IST | Mumbai | Gujarati Mid-day Online Correspondent
ઍર ઈન્ડિયા (ફાઈલ તસવીર)
એવિએશન રેગ્યુલેટર ડીજીસીએએ ઍર ઈન્ડિયા પર 90 લાખ રૂપિયાનો દંડ ફટકાર્યો છે. નૉન-ક્વૉલિફાઈડ ક્રૂ સાથે ફ્લાઈટ ઑપરેટ કરવા મામલે કંપની પર આ કાર્યવાહી કરવામાં આવી છે. ઍર ઈન્ડિયા હવે ટાટા ગ્રુપનો ભાગ બની ચૂકી છે.
ટાટા ગ્રૂપનો હિસ્સો બની ગયેલી એર ઈન્ડિયાની મુશ્કેલીઓ ઓછી થવાના કોઈ સંકેત દેખાઈ રહ્યા નથી. એવિએશન રેગ્યુલેટર ડીજીસીએએ નોન-ક્વોલિફાઈડ ક્રૂ સાથે ફ્લાઈટ્સ ઓપરેટ કરવા બદલ એર ઈન્ડિયા પર રૂ. 90 લાખનો ભારે દંડ ફટકાર્યો છે. આ ભૂલ માટે તેણે એર ઈન્ડિયાના ડાયરેક્ટર ઓફ ઓપરેશન્સ અને ડાયરેક્ટર ઓફ ટ્રેનિંગ પર અનુક્રમે 6 લાખ અને 3 લાખ રૂપિયાનો દંડ પણ લગાવ્યો છે. DGCAએ સંબંધિત પાયલટને ચેતવણી આપી હતી કે ભવિષ્યમાં આવી ઘટના ન બને. અગાઉ માર્ચમાં એર ઈન્ડિયા પર પાઈલટોના આરામના સમયગાળા સાથે સંબંધિત નિયમોનું ઉલ્લંઘન કરવા બદલ 80 લાખ રૂપિયાનો દંડ ફટકારવામાં આવ્યો હતો.
DGCAએ એક રિલીઝમાં આ જાણકારી આપી છે. તેમાં કહેવામાં આવ્યું છે કે એર ઈન્ડિયા લિમિટેડે નોન-ટ્રેનર લાઇન કેપ્ટન દ્વારા ફ્લાઇટનું સંચાલન કર્યું હતું. તેમની જોડી `નોન-લાઇન-રિલીઝ` ફર્સ્ટ ઓફિસર સાથે હતી. નિયમનકારને આ એક ગંભીર `શેડ્યુલિંગ` ઘટના હોવાનું જણાયું છે જેના ગંભીર સલામતી પરિણામો આવી શકે છે. 10 જુલાઇના રોજ એરલાઇન દ્વારા સબમિટ કરાયેલ સ્વૈચ્છિક અહેવાલ દ્વારા તેના ધ્યાન પર આવ્યા બાદ નિયમનકારે એરલાઇનની કામગીરીની તપાસ કરી, જેમાં દસ્તાવેજો વગેરેની તપાસનો સમાવેશ થાય છે.
સુરક્ષા જોખમ
રિલીઝમાં કહેવામાં આવ્યું છે કે તપાસના આધારે, પ્રાથમિક દૃષ્ટિએ એવું જાણવા મળ્યું છે કે ઘણા અધિકારીઓ અને કર્મચારીઓ દ્વારા નિયમનકારી જોગવાઈઓનું ઉલ્લંઘન કરવામાં આવ્યું હતું જે સુરક્ષા પર નોંધપાત્ર અસર કરી શકે છે. DGCA એ ઉલ્લંઘન બદલ એર ઇન્ડિયા પર 90 લાખ રૂપિયા, એરલાઇનના ઓપરેશન્સ ડિરેક્ટર પર 6 લાખ રૂપિયા અને એરલાઇનના ટ્રેનિંગ ડિરેક્ટર પર 3 લાખ રૂપિયાનો દંડ ફટકાર્યો છે.
મુંબઈના છત્રપતિ શિવાજી મહારાજ ઇન્ટરનૅશનલ ઍરપોર્ટથી ગઈ કાલે સવારના ૫.૪૫ વાગ્યે ઍર ઇન્ડિયાની ૬૫૭ નંબરની ફ્લાઇટ કેરલાના તિરુવનંતપુરમ ઍરપોર્ટ જવા માટે રવાના થઈ હતી. ફ્લાઇટ સવારના ૮.૧૦ વાગ્યે લૅન્ડ થવાની હતી. થોડા સમય બાદ ફ્લાઇટના પાઇલટે ઍર ટ્રાફિક કન્ટ્રોલને ફ્લાઇટમાં બૉમ્બ હોવાની માહિતી આપી હતી અને ઇમર્જન્સી લૅન્ડિંગ કરવાની જરૂર હોવાનું કહ્યું હતું. આ ફ્લાઇટનું તિરુવનંતપુરમ ઍરપોર્ટ પર એના નિયમિત સમય કરતાં વહેલું ઇમર્જન્સી લૅન્ડિંગ કરવામાં આવ્યું હતું. ફ્લાઇટમાં પ્રવાસ કરનારા ૧૩૫ પૅસેન્જરને તાત્કાલિક ઉતારીને વિમાનને ઍરપોર્ટ ટર્મિનલથી થોડે દૂર ઊભું રાખીને સઘન તપાસ કરવામાં આવી હતી. ફ્લાઇટમાં કોઈ શંકાસ્પદ વસ્તુ ન મળી હોવાનું ઍર ઇન્ડિયાએ બાદમાં જાહેર કર્યું હતું. વિમાનના ટૉઇલેટમાં બૉમ્બ હોવાનો મેસેજ જોયા બાદ ક્રૂ-મેમ્બરે પાઇલટને જાણ કરી હોવાનું જાણવા મળ્યું હતું.