ડૉક્ટરે ઘરની બહાર નીકળવાની ના પાડી હોવા છતાં મત આપવા માટે ગયાં વિલે પાર્લેનાં રૂપા દોશી

ડૉક્ટરે ઘરથી બહાર નીકળવાની મનાઈ કરી છે, પરંતુ વોટ કરવું એટલું જ મહત્ત્વનું હતું

રૂપા દોશી

વિલે પાર્લેમાં રહેતાં ૬૨ વર્ષનાં રૂપા દોશીએ બે મહિના પહેલાં વૉકિંગ દરમ્યાન પડી જવાથી પગની મસલ્સ રિપેરની સર્જરી કરાવી હતી. ડૉક્ટરે મને સંપૂર્ણ બેડ-રેસ્ટ કરવાનું કહ્યું છે. રૂપા દોશીએ ‘મિડ-ડે’ને જણાવ્યું હતું કે ‘પરિવારના સપોર્ટથી વિલે પાર્લેના વોટિંગ-સેન્ટર જઈને મેં મતદાન કરીને મારી ફરજ બજાવી હતી. મને ડૉક્ટરે ઘરથી બહાર નીકળવાની મનાઈ કરી છે, પરંતુ વોટ કરવું એટલું જ મહત્ત્વનું હતું એટલે મેં મક્કમ મન રાખીને મારા પરિવારના સપોર્ટથી વોટિંગ કર્યું હતું. મને બહુ આનંદ થયો હતો. થોડી વાર માટે તો હું મારા પગનું દર્દ પણ ભૂલી ગઈ હતી.’