25 August, 2023 03:31 PM IST | Mumbai | Gujarati Mid-day Online Correspondent
પ્રતીકાત્મક તસવીર સૌજન્ય : મિડ-ડે
દક્ષિણ મુંબઈમાં 130 વર્ષ જૂના ઐતિહાસિક બેલાસિસ રોડ ઓવર બ્રિજ (Rail Over Bridge)ને વિધ્વંસ માટે માર્ક કરવામાં આવ્યો છે. આ પુલ તાડદેવ, ભાઇખલા, નાગપાડા, ગ્રાન્ટ રોડ અને આસપાસના ઉપનગરોને જોડે છે. (Mumbai`s 130-Year-old Bellasis Road Over Bridge to be Demolished)
રિપૉર્ટ્સ પ્રમાણે, હાલ આરઓબીનો ઉપયોગ અસુરક્ષિત માનવામાં આવ્યો છે. યોજના હાલ જે બ્રિજ છે તેને ધ્વસ્ત કરીને અને તેના સ્થાને એક નવું નિર્માણ કરવાની છે, જેમાં કામ માટે પહેલાથી એક કૉન્ટ્રેક્ટરની પસંદગી કરવામાં આવશે. પશ્ચિમ રેલવે આ મહાત્વાકાંક્ષી પ્રૉજેક્ટનું નેતૃત્વ કરી રહ્યા છે.
રિપૉર્ટ્સ પ્રમાણે પશ્ચિમ રેલવે 15 સ્પેટમ્બર સુધી તોડી પાડવા માટે એક વ્યાપક યોજના ઘડશે. આ સિવાય, આ મહત્વપૂર્ણ ઉપક્રમ માટે હરાજી પહેલાથી જ શરૂ થઈ ગઈ છે. પશ્ચિમ રેલવેનો ઇરાદો આગામી બે થી ત્રણ મહિનાની અંદર તોડવાનું શરૂ કરવાનો છે.
બૃહન્મુંબઈ નગર નિગમને પુલ સુધી જનારા કનેક્ટેડ માર્ગો પણ ડાયવર્ટ કરવાના હશે. જ્યાં સુધી આ મુદ્દે ધ્યાન નહીં આપવામાં આવે, પ્રગતિ અટકેલી રહેશે. અહીં એ પણ કહેવામાં આવ્યું છે કે નવેમ્બર સુધી બીએમસી દ્વારા અંતિમ યોજનાને સ્વીકૃતિ નહીં આપવામાં આવી શકે.
બેલાસિસ આરઓબીની લંબાઈ 56 મીટર અને પહોળાઈ 28 મીટર છે. આને તોડવાનું અનુમાનિત મૂલ્ય 36 કરોડ રૂપિયા છે, જેમાં લગભગ 24 કરોજ રૂપિયા સિવિલ અને ઇન્જિનિયરિંગ કાર્ય માટે સમર્પિત છે. નવા પુલના નિર્માણમાં 18થી 24 મહિના સુધીનો સમય લાગવાનું અનુમાન છે અને કિંમત 60થી 70 કરોડ રૂપિયાની વચ્ચે છે.
આરઓબી પરથી દરરોજ 25,000થી 30000 વાહનો પસાર થાય છે. આનું ક્ષેત્રથી દૈનિક પ્રવાસીઓ પર ખૂબ જ અસર પડી શકે છે. પોતાની છેલ્લી યોજનામાં મહારાષ્ટ્ર રેલ ઇન્ફ્રાસ્ટ્રક્ચર ડેવલપમેન્ટ કૉર્પોરેશન લિમિટેડે 150 કરોડ રૂપિયાના બજેટ સાથે બેલાસિસ રોડ પર એક કેબલ-અટકાયેલા આરઓબીનું નિર્માણ કરવાનો ઈરાદો કર્યો હતો. પણ આ યોજનાને બદલી દેવામાં આવી.
ઉલ્લેખનીય છે કે અંધેરી ઈસ્ટ-વેસ્ટને જોડતો ગોખલે બ્રિજ તૂટી પડતાં હાલ એનું કામ ચાલી રહ્યું છે ત્યારે મહત્ત્વના સમાચાર આવ્યા છે કે ઍટ લીસ્ટ ત્રણ લાઇન ચાલુ કરી શકાય એ માટે ઝડપી ગતિએ એનું કામ ચાલી રહ્યું છે. બ્રિજની ઉત્તર તરફ (અંધેરી સ્ટેશન સાઇડ)ના પિલર પર બેસાડવાના ૯૦ મીટર લાંબા અને ૧,૧૦૦ ટન વજનના ગર્ડરના છૂટા ભાગની ૬૨ ટનની પહેલી ખેપ સ્પૉટ પર આવી ગઈ છે અને બાકીના છૂટા ભાગ પણ ઑગસ્ટ મહિનામાં આવી જશે. રાજ્યના મુખ્ય પ્રધાન એકનાથ શિંદેએ મે મહિનામાં અહીંની મુલાકાત લીધી હતી અને વાહનવ્યવહાર શરૂ કરવા યોગ્ય એવો પહેલો તબક્કો ઑક્ટોબર ૨૦૨૩ સુધીમાં ચાલુ કરવાના નિર્દેશ આપ્યા હતા. બીએમસી અને રેલવે આ બ્રિજ ઊભો કરવાનું કામ સાથે મળીને કરી રહી છે.
નવી મુંબઈ અને મુંબઈના પૂર્વના પરા ઘાટકોપરને અંધેરી-વેસ્ટ સાથે જોડતા આ બહુ મહત્ત્વના બ્રિજનો કેટલોક ભાગ તૂટી પડતાં સુરક્ષાની દૃષ્ટિએ નવો બનાવવો પડે એમ હોવાથી રેલવેએ બ્રિજ આખો તોડી પાડીને ૨૦૨૩ની ૨૮ માર્ચે બાકીના કામ માટે બીએમસીને હૅન્ડઓવર કર્યો હતો. બીએમસી દ્વારા બન્ને તરફ અપ્રોચ રોડનું ૮૫ ટકા જેટલું કામ પૂરું થઈ ગયું છે. મેઇન ગર્ડરના છૂટા ભાગ સ્પૉટ પર લાવી ત્યાં જ એને ઍસેમ્બલ કરીને ત્યાર બાદ ગર્ડર ક્રેનની મદદથી પિલર પર ગોઠવવામાં આવશે. આ કામ રેલવે અને બીએમસી સાથે મળીને કરશે. આ ૯૦ મીટરના ગર્ડરની ડિઝાઇનનો આઇઆઇટી-મુંબઈએ પહેલાં અભ્યાસ કર્યો હતો. એ પછી રેલવે બોર્ડે એ ડિઝાઇનને મંજૂરી આપી હતી. ત્યાર બાદ અંબાલાની ગવર્નમેન્ટ અપ્રૂવ્ડ મેસર્સ એચએમએમએમ ઇન્ફ્રાસ્ટ્રક્ચરની ફૅક્ટરીમાં એના પાર્ટ્સ બનાવવાની કામગીરી આરંભાઈ હતી.