11 June, 2024 06:03 PM IST | Mumbai | Gujarati Mid-day Online Correspondent
અજિત પવાર (ફાઈલ તસવીર)
લોકસભા ચૂંટણી 2024ના પરિણામ આવ્યા પછીથી મહારાષ્ટ્રમાં ઘમાસાણ ચાલી રહ્યું છે. એનસીપી અને શિવસેનામાંથી છૂટા થયેલા બળવાખોર વિધેયકો આ હાર બાદ ફરીથી પોતાના જૂના નેતા તરફ આશાભરી નજરે જોઈ રહ્યા છે. શિવસેના સાંસદ સંજય રાઉતે પણ દાવો કર્યો છે કે મહારાષ્ટ્રની શિવસેના, એનસીપી અને બીજેપીની મહાયુતિ સરકાર પર સંકટ ઘેરાઈ રહ્યું છે. કૉંગ્રેસ નેતા વિજય વડેટ્ટીવારે દાવો કર્યો છે કે શિવસેના (શિંદે જૂથ) અને અજિત પવારની એનીસીપીના 40 વિધેયકોએ ઘરવાપસીની ઈચ્છા વ્યક્ત કરતા મહાવિકાસ આઘાડીના નેતાઓનો સંપર્ક સાધ્યો છે. આ દરમિયાન અજિત પવારે પણ શરદ પવારના વખાણ કરીને મોટા ફેરફારના સંકેત આપ્યા છે. તેમણે વિધાનસભા ચૂંટણી પહેલા જ 80 સીટની માગ કરી ગઠબંધનને અસમંજસમાં નાખી દીધા છે. આ સિવાય તેમણે કેન્દ્ર સરકારમાં પણ કેબિનેટ મંત્રી બનાવવાની માગ કરી છે. ચર્ચા છે કે જો માગ પૂરી નહીં થઈ તો તે વિધાનસભા ચૂંટણી પહેલા ફરી શરદ પવાર પાસે પાછા ફરી શકે છે.
જાણો વિધાનસભામાં રાજકીય પક્ષોનું ગણિત શું છે
જૂન 2022માં ઉદ્ધવ ઠાકરેના બળવા પછી એકનાથ શિંદેએ મહારાષ્ટ્રમાં સરકાર બનાવી હતી. ભાજપ પાસે 105 અને શિવસેના પાસે 39 ધારાસભ્યો છે. કેટલાક અપક્ષ અને નાના પક્ષો પણ શિંદે સરકારને ટેકો આપી રહ્યા છે. મહારાષ્ટ્રમાં વિધાનસભાની કુલ 288 બેઠકો છે. શિવસેના પાસે સરકાર બનાવવા માટે 145 ધારાસભ્યોનું સમર્થન હતું. જોકે, એનસીપી નેતા અજિત પવાર પોતાની વાત પર અડગ રહ્યા હતા. જુલાઈ 2023માં અજિત પવાર 41 એનસીપી ધારાસભ્યો સાથે મહાયુતિમાં જોડાયા હતા. છેલ્લી ચૂંટણીમાં એનસીપીના 53 સભ્યો છેલ્લી વિધાનસભા ચૂંટણી જીતીને ગૃહમાં પહોંચ્યા હતા, જેમાંથી 11 સભ્યો શરદ પવારના સમર્થનમાં છે. કુલ મળીને શિંદે સરકાર પાસે 218 ધારાસભ્યોના સમર્થન છે ઉદ્ધવ ઠાકરેની શિવસેના પાસે 17 ધારાસભ્યો છે. કોંગ્રેસ પાસે 44 ધારાસભ્યો છે. સમાજવાદી પાર્ટી અને અપક્ષોની સાથે મળીને વિધાનસભામાં 65 બેઠકો છે.
જો 40 ધારાસભ્યો ઘરે પરત ફરશે તો શું થશે?
કોંગ્રેસ નેતા વિજય વડેટ્ટીવારે દાવો કર્યો છે તેમ, જો 40 ધારાસભ્યો મહાયુતિ છોડી દેશે તો પણ સરકાર 178 ધારાસભ્યોના સમર્થન સાથે રહેશે અને શિંદે સરકાર ટકી રહેશે. જો અજિત પવાર પોતાના 41 ધારાસભ્યો સાથે ઘરે પરત ફરશે તો પણ શિંદે સરકાર પાસે 177 ધારાસભ્યો રહેશે અને સરકાર ચાલુ રહેશે. પરંતુ જો શિવસેના (શિંદે) માં મોટો ભંગાણ પડશે તો સરકાર જોખમમાં મુકાઈ જશે. નિષ્ણાતોનું માનવું છે કે શિંદે જૂથ અને અજિત પવાર જૂથના ધારાસભ્યો માટે ઘરે પરત ફરવું સરળ નથી. શિવસેના (શિંદે) ના બળવાખોર જૂથને ઓછામાં ઓછા 20 ધારાસભ્યોની જરૂર પડશે. તેવી જ રીતે, અજિત પવારના બળવાખોરોએ પણ 21 ધારાસભ્યોના જૂથની રચના કરવી પડશે. જો બે તૃતિયાંશથી ઓછા ધારાસભ્યો અલગ થઈ જાય અને ઘરે પરત ફરે તો તેમનું સભ્યપદ ગુમાવી શકાય છે. સ્પીકર રાહુલ નાર્વેકર ભાજપની ટિકિટ પર ચૂંટાયા છે. શિવસેના અને એનસીપીના ભંગાણ પછી તેમણે જ વાસ્તવિક અને નકલી શિવસેનાના દાવાઓ પર ચુકાદો આપ્યો હતો.