સલમાન ખાનના જીવના જોખમ મામલે અપડેટ, મેઈલ ક્યાંથી આવ્યો તે અંગે મળી માહિતી

સલમાન ખાન(Salman Khan)ને જાનથી મારી નાખવાની ધમકી મળ્યા બાદ અભિનેતાએ કહ્યું હતું કે જે થશે એ જોયુ જશે. પરંતુ તેનો પરિવાર ખુબ જ ચિંતામાં છે....

સલમાન ખાન

બોલિવૂડ સુપરસ્ટાર સલમાન ખાન(Salman Khan)ના ફેન્સ અને તેના પરિવારના સભ્યો આ દિવસોમાં ખુબ ચિંતામાં છે. કારણ કે તાજેતરમાં જ અભિનેતાને એક ગેંગસ્ટર તરફથી જાનથી મારી નાખવાની ધમકી મળી હતી. જે બાદ તેના ઘરની બહાર સુરક્ષા કડક કરી દેવામાં આવી હતી. તે જ સમયે, મુંબઈ પોલીસને આ મામલે એક મોટું અપડેટ મળ્યું છે. મળતી માહિતી મુજબ આ ધમકીભર્યા ઈમેલનું કનેક્શન યુકેથી છે.

બ્રિટિશ લિંક આવી સામે

અભિનેતા સલમાન ખાનને મળેલા ધમકીના ઈ-મેલ કેસની તપાસ કરતી મુંબઈ પોલીસ(Mumbai Police)ને ધમકી (યુકે) સાથે બ્રિટિશ લિંક મળી છે. આ મેઈલ ક્યા ઈમેલથી મોકલવામાં આવ્યો હતો તે અંગે વધુ માહિતી ઉપલબ્ધ નથી, પરંતુ પોલીસને જાણવા મળ્યું છે કે આ મેઈલ યુકેના મોબાઈલ નંબર સાથે જોડાયેલો છે. પોલીસ હવે તે વ્યક્તિને ટ્રેસ કરવાનો પ્રયાસ કરી રહી છે જેના નામે આ નંબર નોંધાયેલ છે.

સુરક્ષામાં વધારો

મહત્વપૂર્ણ છે કે આ મામલામાં મુંબઈ પોલીસે લોરેન્સ બિશ્નોઈ, ગોલ્ડી બ્રાર અને રોહિત બ્રાર વિરુદ્ધ FIR નોંધી છે. સાથે જ સલમાનના ઘરની બહાર સુરક્ષા વ્યવસ્થા કડક કરી દેવામાં આવી છે. સતત પોલીસ પેટ્રોલિંગ છે, તેમજ ગેલેક્સી એપાર્ટમેન્ટની સામે ચાહકોને ઉભા રહેવા પર પ્રતિબંધ મુકવામાં આવ્યો છે.

આ પણ વાંચો:1BHK ઘરમાં સરળ જીવન જીવે છે Salman Khan, મુકેશ છાબરાએ કર્યા અનેક ખુલાસા

ઈ-મેલમાં શું લખ્યું હતું

નોંધનીય છે કે સલમાન ખાનને એક ધમકીભર્યા ઈ-મેઈલથી લોકો મુશ્કેલીમાં મુકાઈ ગયા હતા. હકીકતમાં, 18 માર્ચે પોલીસની સામે સલમાનના મેનેજર પ્રશાંત ગુંજલકરને ધમકીભર્યો ઈ-મેલ મોકલવામાં આવ્યો હતો. જેમાં સલમાન ખાન વિશે ગંભીર વાતો લખવામાં આવી હતી. આ ઈ-મેઈલમાં લખવામાં આવ્યું હતું કે, "ગોલ્ડી બ્રારને તમારા બોસ એટલે કે સલમાન ખાન સાથે વાત કરવી છે. તેણે ઈન્ટરવ્યુ જોયો હશે, જો તમે ન જોયો હોય, તો જુઓ. જો તમે મામલો બંધ કરવા માંગતા હોવ તો વાત કરાવી દો. ફેસ ટૂ ફેસ કરવી હોય તો એ કહો. હજી પણ સમય રહેતા જાણ કરી દીધી છે,  બાકી હવે સીધો ઝટકો જ મળશે.