10 November, 2024 08:58 PM IST | Mumbai | Gujarati Mid-day Online Correspondent
તસવીર સૌજન્ય મિડ-ડે
ઉત્તર પ્રદેશ એસટીએફ અને મુંબઈ પોલીસની ક્રાઈમ બ્રાન્ચની સંયુક્ત ટીમે રાષ્ટ્રવાદી કૉંગ્રેસ પાર્ટી (રાકૉંપા)ના નેતા બાબા સિદ્દીકીની હત્યા મામલે એક આરોપી અને તેને આશરો આપનાર ચાર લોકોની બહરાઈચ જિલ્લામાંથી ધરપકડ કરી લીધી છે. આ પહેલા આ મામલે કુલ 15 લોકોની ધરપકડ કરવામાં આવી છે.
બાબા સિદ્દીકી મર્ડર કેસ મુંબઈથી સંબંધિત શૂટર શિવકુમારને એસટીએફ ઉત્તર પ્રદેશ તેમજ મુંબઈ ક્રાઈમ બ્રાન્ચની સંયુક્ત કાર્યવાહીમાં આજે 10 નવેમ્બર 2024ના રોજ નાનપારા બહરાઈચમાંથી ધરપકડ કરવામાં આવી છે. કહેવામાં આવી રહ્યું છે કે શિવકુમાર નેપાલ ભાગવાની ફિરાકમાં હતો. એસટીએફની ટીમનું નેતૃત્વ પ્રમેશ કુમાર શુક્લ અને જાવેદ આલમ સિદ્દીકી દ્વારા કરવામાં આવ્યું. શિવકુમારને શરણ આપવા તેમજ નેપાલ ભાગવા માટે મદદ કરવાના ગુનામાં અનુરાગ કશ્યપ, જ્ઞાન પ્રકાશ ત્રિપાઠી, આકાશ શ્રીવાસ્તવ અને અખિલેશેન્દ્ર પ્રતાપ સિંહની પણ ધરપકડ કરવામાં આવી છે.
બાબા સિદ્દીકી હત્યા કેસમાં શિવકુમાર મુખ્ય શૂટર છે. તે લોરેન્સ ગેંગ સિન્ડિકેટના સીધા સંપર્કમાં હતો. લોરેન્સ ગેંગની તમામ સૂચનાઓ તેના મોબાઈલ પર આવી રહી હતી. બાબા સિદ્દીકીની હત્યા બાદ તે મધ્યપ્રદેશના ઓમકારેશ્વર જવાનો હતો. ત્યાં તેને લોરેન્સ ગેંગના એક ગોરખધંધાને મળવાનું હતું.
હત્યા બાદ મુંબઈ પોલીસ તરત જ શિવકુમારની શોધમાં ઓમકારેશ્વર પહોંચી, પરંતુ તે ત્યાં મળ્યો ન હતો. બાબા સિદ્ધિ હત્યા કેસમાં અત્યાર સુધીમાં 19 લોકોની ધરપકડ કરવામાં આવી છે. આ કેસના ત્રણ મુખ્ય શૂટર્સ ધરમરાજ, ગુરમેલ અને શિવકુમાર ગૌતમની ક્રાઈમ બ્રાન્ચે ધરપકડ કરી છે.
બાબા સિદ્દીકી હત્યા કેસમાં ધરપકડ કરાયેલા મુખ્ય શૂટર શિવકુમારે યુપી પોલીસની પૂછપરછ દરમિયાન મોટો ખુલાસો કર્યો છે. શિવ કુમારે પૂછપરછ દરમિયાન જણાવ્યું કે તે લોરેન્સ બિશ્નોઈ ગેંગ સાથે સંકળાયેલો છે. શિવ કુમારે પુષ્ટિ કરતા પૂછપરછ દરમિયાન ખુલાસો કર્યો હતો કે આ હત્યાકાંડ વિદેશમાં બેઠેલા અનમોલ બિશ્નોઈના નિર્દેશ પર કરવામાં આવ્યો હતો. બાબા સિદ્દીકી હત્યાના થોડા કલાકો પછી જાણવા મળ્યું હતું કે આ હત્યા પાછળ લોરેન્સ બિશ્નોઈ ગેંગનો હાથ છે. શિવ કુમારે પૂછપરછ દરમિયાન જણાવ્યું કે શુભમ લોંકરે તેને અનમોલ બિશ્નોઈ સાથે વાત કરવા માટે મળ્યો હતો.
ઉલ્લેખનીય છે કે, પૂર્વ મંત્રી અને રાષ્ટ્રવાદી કોંગ્રેસ પાર્ટી (Nationalist Congress Party)ના નેતા બાબા સિદ્દીકી (Baba Siddqui)ની ૧૨ ઑક્ટોબરે હત્યા કરવામાં આવી હતી. બાબાની હત્યા (Baba Siddqui Murder)ની તપાસમાં હજી સુધી કોઈ મોટી સફળતા મળી નથી. મુંબઈ ક્રાઈમ બ્રાન્ચ (Mumbai Crime Branch) ગેંગસ્ટર લોરેન્સ બિશ્નોઈ (Lawrence Bishnoi)ની ભૂમિકાની તપાસ કરી રહી છે. મળતી માહિતી મુજબ, પોલીસને લાગે છે કે આ હત્યા ગેંગના હિટ લિસ્ટમાં રહેલા અભિનેતા સલમાન ખાન (Salman Khan)ને મેસેજ મોકલવા માટે કરવામાં આવી હતી. કારણકે બાબા અને સલમાન ગાઢ મિત્રો હતા. બાબા સિદ્દીકી મર્ડર કેસમાં અત્યાર સુધી સલમાન ખાન સાથે તેમના નજીકના સંબંધો જ સામે આવી રહ્યા હતા. પરંતુ હવે આ કેસમાં એક નવો એંગલ પણ સામે આવ્યો છે, મુંબઈ પોલીસ (Mumbai Police) તે એંગલથી પણ હત્યાની તપાસ કરી રહી છે. મુંબઈ ક્રાઈમ બ્રાન્ચે પણ સ્લમ રિહેબિલિટેશન ઓથોરિટી - એસઆરએ (Slum Rehabilitation Authority - SRA) પ્રોજેક્ટના એંગલથી હત્યાની તપાસ શરૂ કરી છે.