15 May, 2024 08:44 AM IST | Mumbai | Gujarati Mid-day Correspondent
પ્રતીકાત્મક ફાઇલ તસવીર
લોકસભાની ચૂંટણીના ચોથા તબક્કામાં મુંબઈમાં ૨૦ મેએ મતદાન થવાનું છે ત્યારે મુંબઈનાં સબર્બ્સમાં રહેતા દિવ્યાંગ મતદારો માટે વાહનોની વ્યવસ્થા કરવામાં આવશે. આ વિશે જિલ્લા દિવ્યાંગ સમન્વયક અધિકારી પ્રસાદ ખૈરનારે માહિતી આપી હતી કે ‘આ જિલ્લામાં ૬૭૫૦ મહિલાઓ સહિત કુલ ૧૬,૧૧૬ દિવ્યાંગ મતદારો છે. તેઓ મતદાનકેન્દ્રમાં જઈને મત આપી શકે એ માટે ૬૧૩ જગ્યાએ રિક્ષા-વૅનની વ્યવસ્થા કરવામાં આવી છે. ઉપરાંત પચીસ રિંગ રૂટ અને શટલ રૂટ પર દિવ્યાંગ સુલભ બસો ચલાવવામાં આવશે. આ સિવાય દિવ્યાંગોને મદદરૂપ થવા માટે ૧૧૦૬ સ્વયંસેવકોની નિયુક્તિ કરવામાં આવી છે જેઓ ચાલી ન શકે એવા દિવ્યાંગોને વાહનોમાંથી ઉતારીને મતદાનકેન્દ્રો સુધી પહોંચાડવામાં મદદ કરશે. સ્વયમ્ ઍપના માધ્યમથી અહીંના ૧૩,૮૮૮ દિવ્યાંગોને મતદાનની જાગૃતિ કરવામાં આવી છે.’