અમૃતા ફડણવીસ `લાંચ-વસૂલી` કેસ: SITએ દાખલ કરી 733 પાનાંની ચાર્જશીટ, જાણો વિગતે

મહારાષ્ટ્રના ઉપમુખ્યમંત્રી દેવેન્દ્ર ફડણવીસની પત્ની અમૃતા ફડણવીસને બ્લેકમેઈલ કરવા અને લાંચ આપવા માટેના કહેવાતા પ્રયત્નોના મામલે આજે મુંબઈ પોલીસની એસઆઈટીએ 733 પાનાંની ચાર્જશીટ દાખલ કરી છે.

અમૃતા ફડણવીસ (તસવીર સૌજન્ય મિડ-ડે)

મહારાષ્ટ્રના (Maharashtra) ઉપમુખ્યમંત્રી દેવેન્દ્ર ફડણવીસની પત્ની અમૃતા ફડણવીસને બ્લેકમેઈલ કરવા અને લાંચ આપવા માટેના કહેવાતા પ્રયત્નોના મામલે આજે મુંબઈ પોલીસની એસઆઈટીએ 733 પાનાંની ચાર્જશીટ દાખલ કરી છે.

માહિતી પ્રમાણે, ચાર્જશીટમાં અનિલ જયસિંઘાની, તેમની દીકરી અનીક્ષા અને તેમના પિત્રાઈ ભાઈ નિર્મલને આરોપી બનાવવામાં આવ્યા છે. તો, 13 સાક્ષીઓના નિવેદન પણ નોંધવામાં આવ્યા છે.

આ છે આખી ઘટના
દક્ષિણ મુંબઈના માલાબાર હિલ પોલીસ સ્ટેશને 20 ફેબ્રુઆરીના રોજ જયસિંઘાની અને તેમની દીકરી અનિક્ષા વિરુદ્ધ પ્રાથમિકી નોંધી હતી. તેના પર આરોપ છે કે તેમણે કહેવાતી રીતે અમૃતા ફડણવીસને કેટલીક ઑડિયો અને વીડિયો ક્લિપ સાર્વજનિક કરવાની ધમકી આપી અને જબરજસ્તી વસૂલી કરવાનો પ્રયત્ન કર્યો.

બન્ને વિરુદ્ધ ભારતીય દંડ સંહિતા (આઈપીસી)ની કલમ-120 બી (આપરાધિક ષડયંત્ર) અને 385 (જબરજસ્તી વસૂલી) અને ભ્રષ્ટાચારને અટકાવવાની કલમ 8 અને 12 (ઉશ્કેરણી) હેઠળ કેસ નોંધવામાં આવ્યો હતો. અનિક્ષાની 17 માર્ચના ધરપકડ કરવામાં આવી હતી, જેના પછી સેશન કૉર્ટે કેસમાં 27 માર્ચના રોજ તેને જામીન આપી દીધી હતી.

અનિલ જયસિંઘાનીની ગુજરાતમાં ધરપકડ કરવામાં આવી હતી અને તે હાલ ન્યાયિક અટકમાં છે. જયસિંઘાણીએ હાઈકૉર્ટમાં દાખલ પોતાની અરજીમાં દાવો કર્યો કે તેમની કેસમાં 19 માર્ચના ગેરકાયદેસર રીતે ધરપકડ કરવામાં આવી અને કાયદા પ્રમાણે 24 કલાકની અંદર કૉર્ટ સામે રજૂ કરવામાં આવ્યા નહીં.

જયસિંઘાણીના વકીલ મૃગેન્દ્ર સિંહે શુક્રવારે જસ્ટિસ એ એસ ગડકરીની અધ્યક્ષતાવાળી ખંડપીઠને જણાવ્યું કે જયસિંઘાણીની ધરપકડના 36 કલાક પછી મુંબઈની કૉર્ટમાં રજૂ કરવામાં આવ્યા. સિંહે આરોપ મૂક્યો કે દરેક વસ્તુનું નિરીક્ષણ ફરિયાદકર્તાના પતિ દેવેન્દ્ર ફડણવીસ (Devendra Fadnavis) દ્વારા કરવામાં આવી રહ્યું છે તે જે રાજ્યના ગૃહમંત્રી પણ છે.

મહારાષ્ટ્ર સરકારના મહાધિવક્તા વીરેન્દ્ર સરાફે આ આરોપોનું ખંડન કર્યું અને કહ્યું કે પોલીસે દરેક પ્રક્રિયાઓનું યોગ્ય રીતે પાલન કર્યું છે અને જયસિંઘાણીને રિમાન્ડ પર લેવા માટે કૉર્ટ સામે રજૂ કરવામાં કોઈ પણ પ્રકારનું ડિલે થયું નથી. તેમણે કહ્યું કે પોલીસે 19 માર્ચના જયસિંઘાણીને પોતાના તાબે લીધા હતા અને તે તેમને મુંબઈ કૉર્ટમાં રજૂ કરવા માંગતા હતા.

આ પણ વાંચો : Mumbai: ટેક્નિકલ ખામીને કારણે અપસ્કેલ વિસ્તારો સહિત અનેક સ્થળે Power Outage

સરાફે જણાવ્યું કે ધરપકડ પ્રમાણે જયસિંઘાણીની 20 માર્ચના સાંજે પાંચ વાગ્યે ધરપકડ કરવામાં આવી અને 5 માર્ચે સેશન કૉર્ટમાં રજૂ કરવામાં આવ્યા.