નરેન્દ્ર મોદીના ત્રણ દિવસ બાદ ઉદ્ધવ ઠાકરે દાઉદી વહોરા સમાજના ધર્મગુરુને મળ્યા

ઉદ્ધવ ઠાકરેએ અંધેરીના મરોલમાં સૈયદના દ્વારા શરૂ કરાયેલી અરેબિક ઍકૅડેમીમાં તેમને મળીને એ બદલ અભિનંદન આપ્યાં હતાં

ફાઇલ તસવીર

વડા પ્રધાન નરેન્દ્ર મોદી શુક્રવારે જ દાઉદી વહોરા સમાજના વડા ધર્મગુરુ સૈયદના મુફદ્દલ સૈફુદ્દીનને મળ્યા હતા. હવે ઉદ્ધવ ઠાકરેએ ગઈ કાલે સૈયદના મુફદ્દલ સૈફુદ્દીનની મુલાકાત લીધી હતી. ઉદ્ધવ ઠાકરેએ અંધેરીના મરોલમાં સૈયદના દ્વારા શરૂ કરાયેલી અરેબિક ઍકૅડેમીમાં તેમને મળીને એ બદલ અભિનંદન આપ્યાં હતાં. મુંબઈમાં દાઉદી વહોરા સમાજ બહુ જ બહોળી સંખ્યામાં છે અને વગદાર છે એટલે ઉદ્ધવ ઠાકરેની આ મુલાકાત સુધરાઈના આગામી ઇલેક્શનની સાથે જોડીને જોવામાં આવી રહી છે. આ પહેલાં શુક્રવારે વડા પ્રધાને સારોએવો સમય ત્યાં વિતાવ્યો હતો અને દાઉદી વહોરા સમાજના લોકોને કહ્યું હતું કે હું સીએમ કે પીએમ નહીં, તમારા પરિવારનો સભ્ય છું.