બોરીવલીમાં મૅનહોલ સાફ કરી રહેલા યુવકે જીવ ગુમાવ્યો

35 વર્ષનો સુનીલ વાકોડે ગઈ કાલે સાફ કરી રહ્યો હતો ત્યારે તે અંદર પડી ગયો હતો

પ્રતીકાત્મક તસવીર

બોરીવલી વેસ્ટમાં શિંપોલી રોડ પરની ગોખલે સ્કૂલની સામે અને અંબાજી મંદિરની બાજુમાં આવેલી ભગત તારાચંદ હોટેલ પાસેનો મૅનહોલ ૩૫ વર્ષનો સુનીલ વાકોડે ગઈ કાલે સાફ કરી રહ્યો હતો ત્યારે તે અંદર પડી ગયો હતો અને મૃત્યુ પામ્યો હતો. ફાયર-બ્રિગેડના પ્રવક્તાના જણાવ્યા મુજબ ગઈ કાલે સાંજે પાંચ વાગ્યે આ ઘટના બની હતી. ફાયર-બ્રિગેડને જાણ કરાયા બાદ સુનીલ વાકોડેને મૅનહોલમાંથી બહાર કાઢવામાં આવ્યો હતો, પરંતુ તેનું મૃત્યુ થઈ ગયું હતું.