ચેમ્બુરમાં કારમાંથી ઝડપાયા ૩૦ લાખ રૂપિયા રોકડા

એ સમયે બે વ્યક્તિ કારમાં હાજર હતી. તેઓ આ રકમ બાબતે કોઈ સંતોષકારક જવાબ નહોતી આપી શકી

ફ્લાઇંગ સ્ક્વૉડ

વિધાનસભાની ચૂંટણીની આચારસંહિતા અમલમાં છે ત્યારે ચેમ્બુર-વેસ્ટમાં ઘાટકોપર-માહુલ રોડ પર રવિ પેટ્રોલ-પમ્પ પાસે એક કારની ફ્લાઇંગ સ્ક્વૉડે શુક્રવારે રાત્રે તપાસ કરી તો એમાંથી ૩૦ લાખ રૂપિયા કૅશ મળી આવ્યા હતા. કારનું ચેકિંગ કરવામાં આવ્યું ત્યારે એમાંથી ૫૦૦ રૂપિયાની ચલણી નોટનાં ૬૦ બંડલ મળી આવ્યાં હતાં. એ સમયે બે વ્યક્તિ કારમાં હાજર હતી. તેઓ આ રકમ બાબતે કોઈ સંતોષકારક જવાબ નહોતી આપી શકી એટલે તેમની સામે તિલકનગર પોલીસ-સ્ટેશનમાં ફરિયાદ નોંધીને રકમ જપ્ત કરવામાં આવી હતી.