તાઇવાનમાં કુદરતી કહેર: 25 વર્ષમાં સૌથી વધુ વિનાશકારી ભૂકંપ, હવે સુનામીનું ઍલર્ટ

તાઈવાનની રાજધાની તાઈપેઈમાં બુધવારે સવારે ભૂકંપ (Taiwan Earthquake)ના જોરદાર આંચકા અનુભવાયા હતા અને સુનામીનો ખતરો મંડરાઈ રહ્યો છે.

તસવીર: એએફપી

તાઈવાનની રાજધાની તાઈપેઈમાં બુધવારે સવારે ભૂકંપ (Taiwan Earthquake)ના જોરદાર આંચકા અનુભવાયા હતા અને સુનામીનો ખતરો મંડરાઈ રહ્યો છે. દેશના કેન્દ્રીય હવામાન પ્રશાસને જણાવ્યું હતું કે, 7.2ની તીવ્રતા સાથે પૃથ્વી ધ્રુજી ઊઠી હતી. ન્યૂઝ એજન્સી રોયટર્સે એક પ્રત્યક્ષદર્શીને ટાંકીને જણાવ્યું હતું કે, જોરદાર ભૂકંપના કારણે શહેરના ઘણા ભાગોમાં પાવર ફેલ્યોર થયો હતો. ભૂકંપ બાદ તરત જ જાપાનમાં સુનામીની ચેતવણી જાહેર કરવામાં આવી હતી.

હજુ સુધી એ સ્પષ્ટ નથી થયું કે ભૂકંપ (Taiwan Earthquake)ને કારણે તાઈવાનમાં કોઈ જાન-માલનું નુકસાન થયું છે કે નહીં. જાપાનની હવામાન એજન્સીએ 3 મીટર (9.8 ફૂટ) સુધીની સુનામીની આગાહી કરી હતી. મજબૂત ભૂકંપને પગલે સુનામીની ચેતવણી જાહેર કરવામાં આવ્યા બાદ તરત જ ઓકિનાવાના દક્ષિણ પ્રીફેક્ચરની નજીકના દરિયાકાંઠાના વિસ્તારો માટે પણ એડવાઈઝરી જાહેર કરવામાં આવી છે.

ભૂકંપના કારણે તાઈવાન (Taiwan Earthquake)ના પૂર્વીય શહેર હુઆલીનમાં ઈમારતોના પાયા હચમચી ગયા છે. ટ્રેન સેવા સ્થગિત કરવામાં આવી હતી. તાઈપેઈમાં મેટ્રો સેવા પણ બંધ કરી દેવામાં આવી છે. રાજધાનીથી ટાપુની બીજી બાજુએ સવારે 7:58 વાગ્યે ભૂકંપ આવ્યો, પરંતુ તે શહેરમાં માલસામાનને પછાડી શકે તેટલો શક્તિશાળી હતો.

તમને જણાવી દઈએ કે, તાજેતરના વર્ષોમાં તાઈવાનમાં આવેલો આ સૌથી શક્તિશાળી ભૂકંપ છે. યુએસ જીઓલોજિકલ સર્વે અનુસાર બુધવારે સ્થાનિક સમય મુજબ સવારે 7:58 કલાકે ભૂકંપ આવ્યો હતો. તેની તીવ્રતા 7.4 માપવામાં આવી હતી. તેનું કેન્દ્ર ટાપુની પૂર્વમાં હુઆલીન શહેરથી 18 કિલોમીટર દૂર સ્થિત હતું. તાઈવાનના સેન્ટ્રલ મીટીરોલોજીકલ એડમિનિસ્ટ્રેશને રિક્ટર સ્કેલ પર ઘટનાની તીવ્રતા 7.2 રેટ કરી છે.

તાઈવાનના હવામાન અધિકારીઓએ એક પ્રેસ કોન્ફરન્સ દરમિયાન જણાવ્યું હતું કે, 1999 પછી આ સૌથી મોટી ધરતીકંપની ઘટના છે. ભૂકંપના લગભગ એક કલાક પછી બુધવારે બજારો ખુલ્યા ત્યારે તાઇવાનનો તાઇએક્સ ઇન્ડેક્સ 0.4 ટકા ઘટ્યો હતો. ગ્રીનબેક સામે સ્થાનિક ડોલર 0.1 ટકા ઊંચો ટ્રેડ કરી રહ્યો છે.

હુઆલિને આ ઘટનાને ધ્યાનમાં રાખીને બુધવારે ઑફિસો અને શાળાઓ બંધ રાખવાની જાહેરાત કરી છે. તે જ સમયે, ચીન અને તાઈવાનના કેટલાક દરિયાકાંઠા પર 1 થી 3 મીટર ઉંચા સુનામીના મોજા ઉછળવાની શક્યતા છે. ચાઈનીઝ સોશિયલ પ્લેટફોર્મ વેઈબો પરના લોકોએ કહ્યું કે તેઓએ શાંઘાઈ અને ગુઆંગડોંગ સહિત સમગ્ર ચીનમાં ભૂકંપ અનુભવ્યો.

દસ હજાર ઘરોમાં બત્તી ગુલ

તાઈવાનના મીડિયા અનુસાર બુધવારે સવારે આવેલા ભૂકંપના કારણે તાઈવાનમાં 10 હજારથી વધુ ઘરો વીજળી વગરના છે. ભૂકંપના કારણે વાયર અને પાવર પ્લાન્ટને નુકસાન થયું છે. પાવર પુનઃસ્થાપિત કરવાની કામગીરી ચાલી રહી છે. સાથે જ ઈન્ટરનેટ સેવા પણ બંધ થઈ ગઈ છે.