પુણેએ અમેરિકન સિટીને આપેલી શિવાજીની પ્રતિમાની ચોરી થઈ

પુણેથી આ શહેરને ગિફ્ટમાં શિવાજીની પ્રતિમા આપવામાં આવી હતી.

પ્રતીકાત્મક તસવીર (સૌજન્ય આઇસ્ટૉક)

ન્યુ યૉર્ક (પી.ટી.આઇ.) : ઉત્તર અમેરિકામાં છત્રપતિ શિવાજી મહારાજની એકમાત્ર પ્રતિમા કૅલિફૉર્નિયાની સૅન જોશ સિટીમાં એક પાર્કમાંથી ચોરાઈ ગઈ હતી. 

સૅન જોશના પાર્ક્સ, રેક્રીએશન અને નેબરહૂડ સર્વિસ ડિપાર્ટમેન્ટે શુક્રવારે એક ટ્વીટમાં લખ્યું હતું કે ‘અમારી કમ્યુનિટીને એ જણાવતાં અફસોસ થાય છે કે ગુઅદલુપે રિવર પાર્ક ખાતે શ્રી છત્રપતિ શિવાજી મહારાજની પ્રતિમા ગાયબ થઈ ગઈ છે.’

પુણેથી આ શહેરને ગિફ્ટમાં શિવાજીની પ્રતિમા આપવામાં આવી હતી. નૉર્થ અમેરિકામાં આ મહાન મરાઠા રાજાની એકમાત્ર પ્રતિમા હતી. 

આ ટ્વીટમાં આ ડિપાર્ટમેન્ટે વધુમાં કહ્યું હતું કે ‘આ લૅન્ડમાર્કની ચોરી થઈ હોવાથી આ સિટીમાં દુઃખની લાગણી પ્રસરી છે. અમે કમ્યુનિટીના લીડર્સ સાથે મળીને આનો ઉકેલ લાવવાનું કામ કરી રહ્યા છીએ. ઑથોરિટી હવે આ મામલે તપાસ કરી રહી છે અને લોકો પાસેથી એણે મદદ માગી છે.’