Pakistan:બલૂચિસ્તાનમાં ઉંડા નાળામાં ખાબકી બસ,  39 લોકોના મોત

પાકિસ્તાન(Pakistan)ના  બલૂચિસ્તાનમાં એક મોટો અકસ્માત થયો છે. લાસબેલામાં મુસાફરોથી ભરેલી એક હાઇસ્પીડ બસ ઉંડા નાળામાં પડી હતી.

પ્રતીકાત્મક તસવીર

પાકિસ્તાન(Pakistan)ના  બલૂચિસ્તાનમાં એક મોટો અકસ્માત થયો છે. લાસબેલામાં મુસાફરોથી ભરેલી એક હાઇસ્પીડ બસ ઉંડા નાળામાં પડી હતી. આ દુર્ઘટનામાં 39 લોકોના મોત થયા છે, જ્યારે ઘણા લોકો ઘાયલ થયા છે. જણાવવામાં આવ્યું છે કે અકસ્માત એટલો ભયાનક હતો કે બસ નાળામાં પડતાં જ તેમાં આગ લાગી ગઈ હતી. બસ કરાચીથી ક્વેટા જઈ રહી હતી.

વિસ્તારના આસિસ્ટન્ટ કમિશનર હમઝા અંજુમ નદીમે જણાવ્યું કે બસમાં 48 લોકો સવાર હતા. તેમણે કહ્યું કે દુર્ઘટના બાદ તરત જ બચાવ કામગીરી શરૂ કરવામાં આવી હતી અને તમામ મૃતદેહોને બહાર કાઢવામાં આવ્યા હતા. તે જ સમયે, ઘાયલોને નજીકની સિવિલ હોસ્પિટલમાં દાખલ કરવામાં આવ્યા છે. અધિકારીઓના જણાવ્યા અનુસાર, બચાવ કાર્યમાં બચાવકર્તાઓને ઘણી મુશ્કેલીઓનો સામનો કરવો પડ્યો કારણ કે અકસ્માત રવિવારે મોડી રાત્રે થયો હતો અને અંધારાના કારણે પોલીસને મુશ્કેલીનો સામનો કરવો પડ્યો હતો.