ઋષિ સુનક બ્રિટનના પીએમ બનતા ભારતમાં ટ્રેન્ડ થયું `મુસ્લિમ PM`,શશિ થરૂર થયા ટ્રોલ

સુનકના બ્રિટેનના પીએમ બન્યા પછીથી ભારતમાં ટ્વિટર પર `Muslim PM` ટ્રેન્ડ થવા માંડ્યું છે. આ દરમિયાન લોકોએ કૉંગ્રેસ સાંસદ શશિ થરૂરને ખૂબ જ ટ્રોલ કર્યા છે.

ઋષિ સુનક

ભારતીય મૂળના ઋષિ સુનક (Rishi Sunak) બ્રિટેનના નવા વડાપ્રધાન બનીને ઇતિહાસ રચી રહ્યા છે. ત્યારે દિવાળીના દિવસે જ પેની મૉર્ડન્ટ રેસમાંથી ખસ્યા બાદ સુનકને કન્ઝર્વેટિવ પાર્ટિના નિર્વિરોધ નેતા ચૂંટવામાં આવ્યા છે. સુનક 210 વર્ષોમાં બ્રિટેનના વડાપ્રધાન બનનારા સૌથી યુવા નેતા છે. બ્રિટેનના પૂર્વ નાણાંમંત્રી રહી ચૂકેલા સુનક એક ધર્મનિષ્ઠ હિંદૂ છે અને હવે તે લંડન સ્થિત 10 ડાઉનિંગ સ્ટ્રીટમાં પ્રવેશ કરશે, જે એક વડાપ્રધાનનું ઑફિશિયલ રહેઠાણ સહકાર્યાલય છે. સુનકના બ્રિટેનના પીએમ બન્યા પછીથી ભારતમાં ટ્વિટર પર `Muslim PM` ટ્રેન્ડ થવા માંડ્યું છે. આ દરમિયાન લોકોએ કૉંગ્રેસ સાંસદ શશિ થરૂરને ખૂબ જ ટ્રોલ કર્યા છે.

બ્રિટિશ સંગ્રહાલયના અધ્યક્ષ જૉર્જ ઑસબૉર્ને કાલે એક ટ્વીટ કર્યું. તેમણે લખ્યું, "દિવસના અંત સુધી ઋષિ સુનક વડાપ્રધાન હશે. મારી જેમ અનેક લોકો વિચારે છે કે તે અમારી મુશ્કેલીઓનું સમાધાન છે. તો, બીજા લોકોને લાગે છે કે તે સમસ્યાનો ભાગ છે. તમારી જે પણ રાજનીતિ હોય, પણ આવો આપણે બધા પહેલા બ્રિટિશ એશિયાના પીએમ બનવાનો આનંદ માણીએ અને દેશ પર ગર્વ કરીએ કે અહીં આવું થઈ શકે છે."

તેમના આ ટ્વીટ પર કૉંગ્રેસ સાંસદ શશિ થરૂરે રિટ્વીટ કરતા પ્રતિક્રિયા આપી છે. તેમણે લખ્યું, "જો આવું થાય છે તો મને લાગે છે આપણે બધાએ આ સ્વીકાર કરવો પડશે કે બ્રિટેનના લોકોએ ખૂબ જ દુર્લભ કામ કર્યું છે. પોતાના સૌથી શક્તિશાળી કાર્યાલયમાં અલ્પસંખ્યક સમુદાયના સભ્યને તક આપી. અમે ભારતીય ઋષિ સુનક માટે ઉત્સવ ઉજવી રહ્યા છે. આવો પ્રામાણિકતાથી પૂછીએ: શું આવું થઈ શકે છે?"

શશિ થરૂરના આ ટ્વીટ પર લોકોએ તેમને ખૂબ જ ટ્રોલ કર્યા છે. અનેક યૂઝરે આના કેટલાક ઉદાહરણ પણ આપ્યા છે. રાજનૈતિક ટિપ્પણીકાર સુનંદા વશિષ્ઠે લખ્યું, "બે કાર્યકાળ માટે સિખ પીએમ, મુસ્લિમ રાષ્ટ્રપતિ, મહિલા વડાપ્રધાન, મહિલા રાષ્ટ્રપતિ... એવા અનેક ઉદાહરણ છે. અમે આ વિશે વધારો હલ્લા હો નથી કરતા કારણકે અમે બ્રિટિશ વિપરીત નસ્લવાદી નથી. નિઃશંક તેમને માટે ખૂબ જ મોટી વાત છે. અનાવશ્યક અપરરાધબોધ ન કરવા જોઈએ."

આ પણ વાંચો : રિશી સુનકનાં ભારત સાથેનાં કનેક્શન્સ વિશે જાણવા જેવી વાતો

તો, અંકિત જૈન નામના એક ટ્વિટર યૂઝરે શશિ થરૂરના ટ્વીટ પર પ્રતિક્રિયા આપતા લખ્યું, "અનેક ઈસાઇ દ્વારા નિયંત્રિત એક સિખ પ્રધાનમંત્રી. તેમના અધીન તમારા જેવા હિંદુ મંત્રી. પહેલા જ થઈ ચૂક્યા છે ભાઈ."