બે બર્ગરને છૂટા પાડતાં ચપ્પૂ પરથી લપસ્યો હાથ, નીપજ્યું મોત

બેરી ગ્રિફિથ્સ 57 વર્ષના હતા અને વેલ્સના લેન્ડરિંડોડમાં તેમના ઘરમાં એકલા રહેતા હતા. થોડા દિવસ પહેલા તેને ખૂબ ભૂખ લાગી હતી એટલે તેણે ફ્રીજમાં રાખેલ એક બર્ગર કાઢીને ખાવા ગયો.

બર્ગર (પ્રતીકાત્મક તસવીર)

અકસ્માત કોઈની પણ સાથે, ક્યારે પણ થઈ શકે છે. અનેકવાર આવા વિચિત્ર પ્રકારના અકસ્માત થાય છે, જેના વિશે જાણીને લોકોને વિશ્વાસ નથી થતો. આવો જ એક અકસ્માત બ્રિટેનમાં રહેતી એક વ્યક્તિ સાથે થઈ જેનું મૃત્યુ એવી વિચિત્ર સ્થિતિમાં થયું કે પોલીસને પણ શંકા થવા માંડી કે આ હત્યા તો નથી ને! જોકે, પોલીસે આ ઘટનાને અકસ્માત જ કહી છે. શખ્સ બર્ગર ખાવા ગયો પણ તેનું મૃત્યુ નીપજ્યું. જે ચપ્પૂથી તે બર્ગર ખાઈ રહ્યો હતો, તે તેના પેટમાં ઘૂસી ગયું. તેના પછી જે થયું તે હજી વધારે ચોંકાવનારું છે.

ડેઈલી સ્ટાર ન્યૂઝ વેબસાઈટના અહેવાલ મુજબ, બેરી ગ્રિફિથ્સ 57 વર્ષના હતા અને વેલ્સના લેન્ડરિંડોડમાં તેમના ઘરમાં એકલા રહેતા હતા. થોડા દિવસ પહેલા તેને ખૂબ ભૂખ લાગી હતી એટલે તેણે ફ્રીજમાં રાખેલ એક બર્ગર કાઢીને ખાવા ગયો. થીજી જવાને કારણે બે બર્ગર એકસાથે અટકી ગયા. બેરીએ તેને અલગ કરવા માટે છરીનો ઉપયોગ કર્યો. તે છરી વડે વચ્ચેથી બર્ગરને કાપી રહ્યો હતો, પરંતુ પછી તેનો હાથ લપસી ગયો અને છરી તેના પેટમાં ઘુસી ગઈ.

રહસ્યમય મૃત્યુ
જેના કારણે તેનું મોત થયું હતું. પરંતુ તે એકલો રહેતો હોવાથી કોઈને ખબર ન હતી કે તે મૃત્યુ પામ્યો છે. તેની લાશ કેટલાય દિવસો સુધી ઘરમાં પડી રહી હતી. શરીરનું લોહી રસોડામાં અને તેના બેડરૂમમાં ફેલાઈ ગયું હતું. આ રહસ્યમય મોત જોઈને પોલીસ પણ આશ્ચર્યચકિત થઈ ગઈ હતી. તપાસ બાદ તેઓ એવા નિષ્કર્ષ પર આવ્યા કે વ્યક્તિનું મૃત્યુ બર્ગર ખાવાના કારણે થયું હતું. ડિટેક્ટીવ ચીફ ઈન્સ્પેક્ટર જોનાથન રાઈસનું કહેવું છે કે ફ્રીઝરનું નીચેનું ડ્રોઅર એ રીતે ખુલ્લું હતું કે ખાવાનું બહાર કાઢી શકાય.

પોસ્ટ મોર્ટમમાં આવો ખુલાસો થયો હતો
રસોડાના કાઉન્ટર પર બે કાચા બર્ગર, એક છરી અને ચાનો ટુવાલ રાખવામાં આવ્યો હતો. પેટમાં થયેલો ઘા કિચન કાઉન્ટરની ઉંચાઈનો હતો. તે ખૂબ જ જોરથી છરીથી કાપવાનો પ્રયાસ કરી રહ્યો હતો, ત્યારે છરીએ તેને વાગ્યો હોવાનો અંદાજ હતો. પોસ્ટ મોર્ટમ રિપોર્ટમાં એવું પણ બહાર આવ્યું છે કે પેટમાં છરીના નિશાનને કારણે તેનું મોત થયું હતું. તમને જણાવી દઈએ કે આ મામલો ગયા વર્ષના જુલાઈ મહિનાનો છે. તેની લાશ એક અઠવાડિયાથી વધુ સમયથી ઘરમાં પડી હતી. તેનો ફોન, પાકીટ અને ઘરની અન્ય ચીજવસ્તુઓ તેમના સ્થાને હતી, કંઈપણ સાથે છેડછાડ કરવામાં આવી ન હતી. પોલીસ તપાસમાં જાણવા મળ્યું છે કે બેરીને થોડા સમય પહેલા સ્ટ્રોક આવ્યો હતો, ત્યારબાદ તે માત્ર એક હાથનો ઉપયોગ કરી શક્યો હતો.