13 April, 2024 05:28 AM IST | Delhi | Gujarati Mid-day Correspondent
ઋષિ સુનક (ફાઈલ તસવીર)
બ્રિટન સરકારની નવી ફૅમિલી વીઝા પૉલિસી ગુરુવારથી લાગુ થઈ ગઈ છે. આ નીતિ બ્રિટનમાં રહેતા એવા વિદેશીઓ માટે છે જે પોતાના પરિવારજનોને બોલાવવા માગે છે. નવી પૉલિસી મુજબ હવે વાર્ષિક ૨૯,૦૦૦ પાઉન્ડ (આશરે ૩૦ લાખ રૂપિયા) આવક હશે તે લોકો જ પોતાના પરિવારને બ્રિટન બોલાવી શકશે. અગાઉ આવકની મર્યાદા ૧૮,૬૦૦ પાઉન્ડ (૧૮ લાખ રૂપિયા) હતી. આ વધારો પંચાવન ટકા કરતાં વધારે છે. બ્રિટનના વડા પ્રધાન રિશી સુનકે ગયા વર્ષે આ નીતિની જાહેરાત કરી હતી. આગામી વર્ષે વેતનમર્યાદામાં હજી વધારો કરવામાં આવશે એટલે કે બ્રિટનમાં રહેતા ભારતીયો માટે પોતાના પરિવારજનોને બોલાવવા વધુ અઘરું થશે.