HBD Bill Gates:માત્ર 13 વર્ષની ઉંમરમાં બનાવ્યો હતો પહેલો સૉફ્ટવેર પ્રોગ્રામ 

તેમનો જન્મ 28 ઓક્ટોબર 1955માં વોશિંગ્ટનમાં થયો હતો. બિલ ગેટ્સ ભાઈ-બહેનોમાં સૌથી નાના હતાં. તેમના માતા-પિતાની ઈચ્છા હતી કે તે લૉનો અભ્યાસ કરી વકીલ બને, પરંતુ બાળપણથી જ તેમની રુચિ ટેક્નોલોજીમાં હતી.

બિલ ગેટ્સ

બિલ ગેટ્સ (Bill Gates)નું નામ દુનિયામાં સૌથી ધનાઢ્ય લોકોમાં આવે છે. અઢળક સપંત્તિના માલિક બિલ ગેટ્સ પોતાની સંપત્તિનો એક મોટો ભાગ સમાજ સેવાના કાર્યોમાં પણ દાન કરે છે. બિલ ગેટ્સનું પુરૂ નામ વિલિયમ હેનરી છે. આજે તે પોતાનો 68મો જન્મદિવસ(Bill Gates Birthday)ઉજવી રહ્યાં છે. તેમનો જન્મ 28 ઓક્ટોબર 1955માં વોશિંગ્ટનમાં થયો હતો. બિલ ગેટ્સ ભાઈ-બહેનોમાં સૌથી નાના હતાં. તેમના માતા-પિતાની ઈચ્છા હતી કે તે લૉનો અભ્યાસ કરી વકીલ બને, પરંતુ બાળપણથી જ તેમની રુચિ ટેક્નોલોજીમાં હતી. તેમણે માત્ર 13 વર્ષની ઉંમરમાં પહેલું સોફ્ટવેર પ્રોગામ લખ્યું હતું. 17 વર્ષની ઉંમરે તેણે પહેલા કોમ્પ્યુટર પ્રોગ્રામ વેચી દીધું હતું. 

મહત્વની વાત એ છે કે બિલ ગેટ્સનું યોગદાન આજે માત્ર કમ્પ્યુટરના ક્ષેત્રમાં નહીં  અન્ય ક્ષેત્રોમાં પણ છે. તેમના કારણે કમ્પ્યુટર આજે એક જરુરી વસ્તુ બની ગયું છે. આ સાથે જ ઈન્ટરનેટનો ઉપયોગ વધ્યો છે. આજકાલના સમયમાં ક્મ્પ્યુટર અને ઈન્ટરનેટ વિના જીવનની કલ્પના કરવી મુશ્કેલ છે. નોંધનીય છે કે બિલ ગેટ્સ હાર્વર્ડ યુનિવર્સિટીના ડ્રોપ આઉટ સ્ટુડન્ટ રહી ચૂક્યા છે. 

માઈક્રોસોફ્ટની સ્થાપના વર્ષ 1975માં થઈ હતી
વર્ષ 1975માં બિલ ગેટ્સે તેમના મિત્ર પાસ એલન સાથે મળીને માઇક્રોસોફ્ટ (Microsoft)ની સ્થાપના કરી હતી. કંપનીએ શરૂઆતના તબક્કામાં સફળતાના નવા આયામો લખવાનું શરૂ કર્યું અને માત્ર 4 વર્ષના ગાળામાં આ કંપની 2.5 મિલિયન ડોલરની કંપની બની ગઈ. તેણે ટેકનોલોજીને બિઝનેસ સાથે જોડી દીધી. આ પછી, આજના ટીવીને પણ સોફ્ટવેર અને ટેક્નોલોજીની મદદથી ઉજવવામાં આવ્યો છે. આ સિવાય આ ટેક્નોલોજીએ ઓનલાઈન ગેમિંગ વિકસાવવામાં પણ ભૂમિકા ભજવી છે.

1986માં જ અબજોપતિઓની યાદીમાં સામેલ 
ઉલ્લેખનીય છે કે 31 વર્ષની ઉંમરે બિલ ગેટ્સ અબજોપતિઓની યાદીમાં સામેલ થયા હતા. 1986માં તેમની કંપની શેરબજારમાં લિસ્ટ થઈ હતી. આ પછી તે બિલિયોનેર લિસ્ટમાં સામેલ થઈ ગયો. 1992 થી 95 સુધી તેઓ અમેરિકાના સૌથી ધનિક વ્યક્તિ રહ્યા. આ સિવાય તેઓ લાંબા સમય સુધી ફોર્બ્સની બિલિયોનેર લિસ્ટમાં સૌથી અમીર વ્યક્તિ રહ્યા.

પોતાની સંપત્તિનો 95% દાન કરશે
બિલ ગેટ્સ તેમની ઉદારતા માટે વિશ્વભરમાં જાણીતા છે. તેણે જાહેરાત કરી છે કે તે તેની 95% સંપત્તિ ચેરિટી માટે દાન કરશે. તે તેના બાળકોને માત્ર 10 બિલિયન ડોલરની સંપત્તિ આપશે. આ સિવાય બાકીની પ્રોપર્ટી દાનમાં આપશે. આજે પણ ગટ્સનું નામ વિશ્વના સૌથી અમીર લોકોની યાદીમાં પાંચમા નંબરે આવે છે. તે લગભગ 110 અબજ ડોલરના માલિક છે.