Valentine’s Week 2024 : ક્યારથી શરુ થશે પ્રેમની આ મોસમ? અહીં જોઈ લો આખું લિસ્ટ

Valentine’s Week 2024 : વૅલેન્ટાઇન્સ વીકમાં ક્યારે છે ચોકલેટ ડે અને રોઝ ડે? જાણી લો અહીં

તસવીર સૌજન્ય : પિક્સાબે

ફેબ્રુઆરી મહિનાની શરુઆતથી જ જાણે પ્રેમની મોસમ ખિલી હોય તેવું લાગે છે. ફેબ્રુઆરી મહિનાને પ્રેમનો મહિનો કહેવામાં આવે છે. કારણકે આ મહિનામાં વૅલેન્ટાઇન્સ વીક (Valentine’s Week 2024) અને વૅલેન્ટાઇન્સ ડે (Valentine`s Day 2024) આવે છે. જેને પ્રેમની મોસમ કહેવાય છે.

ફેબ્રુઆરીના બીજા મહિનાથી વૅલેન્ટાઇન્સ વીક શરૂ થવા જઈ રહ્યું છે. સાતથી ૧૪ ફેબ્રુઆરી સુધીના દિવસો લવ બર્ડ્સ માટે ખૂબ જ ખાસ છે. આ દિવસોમાં તેઓ તેમના પ્રેમને અલગ અલગ રીતે વ્યક્ત કરે છે. આ જ કારણ છે કે આ સપ્તાહને લવ વીક પણ કહેવામાં આવે છે. ચાલો જાણીએ કે વૅલેન્ટાઇન્સ વીકમાં કયા દિવસે કયો દિવસ ઉજવવામાં આવે છે. વૅલેન્ટાઇન્સ વીક ૨૦૨૪ (Valentine’s Week 2024)નું આખું લિસ્ટ જોઈ લો અહીં…

રોઝ ડે, ૭ ફેબ્રુઆરી (Rose Day, 7 February)

ગુલાબ પ્રેમનું પ્રતીક છે, પ્રેમના સપ્તાહની શરૂઆત પણ રોઝ ડેથી થાય છે. રોઝ ડે ૭ ફેબ્રુઆરીએ ઉજવવામાં આવે છે અને પ્રેમીઓ એકબીજાને ગુલાબના ફૂલ આપીને આ ખાસ દિવસની ઉજવણી કરે છે.

જો કે, પ્રેમી યુગલો સિવાય, કેટલાક લોકો આ દિવસે તેમના મિત્રોને પણ ગુલાબ ભેટ આપે છે. વાસ્તવમાં, એવું માનવામાં આવે છે કે ગુલાબનો દરેક રંગ કોઈને કોઈ લાગણીનું પ્રતીક છે. જેમ લાલ રંગ પ્રેમનું પ્રતીક છે, એટલે તમે કોઈને પ્રેમ કરો છો તો તમે તેને લાલ ગુલાબ આપીને તમારો પ્રેમ વ્યક્ત કરી શકો છો. પીળો રંગ મિત્રતાનું પ્રતિક માનવામાં આવે છે. તમે પીળું ગુલાબ આપીને કોઈની તરફ મિત્રતાનો હાથ લંબાવી શકો છો. તે જ સમયે, સફેદ રંગ શાંતિનું પ્રતીક છે. એટલે કે, જો તમે કોઈની સાથે તમારી નારાજગી દૂર કરીને તમારા સંબંધને આગળ વધારવા માંગો છો તો તમે તેને સફેદ ગુલાબ ગિફ્ટ કરી શકો છો.

પ્રપોઝ ડે, ૮ ફેબ્રુઆરી (Propose Day, 8 February)

રોઝ ડે પછી બીજા દિવસે પ્રપોઝ ડે ઉજવવામાં આવે છે. આ દિવસે પ્રેમમાં પડેલી દરેક વ્યક્તિ પોતાના પાર્ટનરને તેના દિલની ભાવનાઓથી વાકેફ કરવાનો પ્રયાસ કરે છે. આવી સ્થિતિમાં, જો તમે પણ તમારા ક્રશને તમારી લાગણીઓ વિશે જણાવવા માંગતા હો, તો ૮ ફેબ્રુઆરી સુધી રાહ જુઓ. તમારી ભાવનાઓને વ્યક્ત કરવા માટે અને પ્રપોઝ કરવા માટે આ દિવસ યોગ્ય રહેશે.

ચૉકલેટ ડે, ૯ ફેબ્રુઆરી (Chocolate Day, 9 February)

વૅલેન્ટાઇન્સ વીકનો ત્રીજો દિવસ ચૉકલેટ ડે છે, જે ૯ ફેબ્રુઆરીએ ઉજવવામાં આવે છે. આ દિવસે, લોકો તેમના જીવનસાથીને તેમની પસંદગીની ચોકલેટ ભેટ આપીને તેમના સંબંધોમાં વધુ મધુરતા ઉમેરવાનો પ્રયાસ કરે છે. જો તમે ઇચ્છો તો ૯ ફેબ્રુઆરીએ તમારા પોતાના હાથે ચોકલેટ કેક બનાવીને તમે તમારા પાર્ટનર માટે આ દિવસને વધુ ખાસ બનાવી શકો છો.

ટેડી ડે, ૧૦ ફેબ્રુઆરી (Teddy Day, 10 February)

મહિલાઓને ટેડી ખૂબ ગમે છે અને વૅલેન્ટાઇન્સ વીકના ચોથા દિવસે એટલે કે ૧૦મી ફેબ્રુઆરીએ તેમના પાર્ટનરને ટેડી આપવાનો રિવાજ છે. તમને બજારમાં ટેડીની ઘણી જાતો જોવા મળશે. તમે તેમાંથી કોઈપણ સુંદર ટેડી પસંદ કરી શકો છો અને તમારા પ્રિયજનને ગિફ્ટમાં આપી શકો છો.

પ્રોમિસ ડે, ૧૧ ફેબ્રુઆરી (Promise Day, 11 February)

૧૧ ફેબ્રુઆરીના રોજ, યુગલો એકબીજાને હંમેશા ટેકો આપવા અને દરેક મુશ્કેલીમાં સાથે ઊભા રહેવાનું વચન આપે છે. જો કે, તમે ઇચ્છો તો તમે તમારા પાર્ટનરને ખાસ વચન એટલે કે પ્રોમિસ આપીને આ દિવસને તેમના માટે યાદગાર બનાવી શકો છો.

હગ ડે, ૧૨ ફેબ્રુઆરી (Hug Day, 12 February)

હગ ડે વૅલેન્ટાઇન્સ વીકના છઠ્ઠા દિવસે એટલે કે 12મી ફેબ્રુઆરીએ ઉજવવામાં આવે છે. આ દિવસે લોકો તેમના પાર્ટનરને ગળે લગાવે છે અને તેમની સાથે તેમની લાગણીઓ શેર કરે છે.

કિસ ડે, ૧૩ ફેબ્રુઆરી (Kiss Day, 13 February)

વૅલેન્ટાઇન્સ વીકના સાતમા દિવસે કિસ ડે ઉજવવામાં આવે છે, જેને પ્રેમનું પ્રતીક પણ માનવામાં આવે છે. આ દિવસે, તમારા જીવનસાથીને કપાળ અને હાથ પર એક સુંદર ચુંબન આપો જે પ્રેમ વ્યક્ત કરવા તરફ વધુ એક પગલું છે.

વૅલેન્ટાઇન્સ ડે, ૧૪ ફેબ્રુઆરી (Valentine’s Day, 14 February)

વૅલેન્ટાઇન્સ ડે છેલ્લા દિવસે એટલે કે ૧૪મી ફેબ્રુઆરીએ ઉજવવામાં આવે છે. યુગલો આખા અઠવાડિયામાં આ દિવસની સૌથી વધુ રાહ જોતા હોય છે. દરેક વ્યક્તિ પોતાની રીતે પોતાના પાર્ટનર માટે વૅલેન્ટાઇન્સ ડેને ખાસ બનાવવાનો પ્રયાસ કરે છે. વિવાહિત લોકો તેમજ પ્રેમી યુગલો આ દિવસે એકબીજા માટે ખાસ સરપ્રાઈઝ પ્લાન કરે છે, તેમના પાર્ટનરને લંચ કે ડિનર પર લઈ જાય છે અને તેમને રોમેન્ટિક લાગે તે માટે દરેક શક્ય પ્રયાસો કરે છે.

હવે, આ વૅલેન્ટાઇન્સ વીકનું લિસ્ટ ફિટ કરી લો તમારા મગજની ડિક્શનરીમાં અને શરુ કરી દો પ્લાનિંગ તમારા પ્રિયજન માટે.