સૂર્યગ્રહણ ૨૦૨૩ : આ ત્રણ રાશિના જાતકોની આર્થિક સ્થિતિ બગડવાની છે શક્યતા

આ સૂર્યગ્રહણ પર બની રહ્યાં છે બે અશુભ યોગ

પ્રતીકાત્મક તસવીર (તસવીર સૌજન્ય : આઇસ્ટૉક)

વર્ષ ૨૦૨૩નું પ્રથમ સૂર્યગ્રહણ ૨૦ એપ્રિલના રોજ થવા જઈ રહ્યું છે. આ સૂર્યગ્રહણ સવારે ૭.૦૪ વાગ્યાથી બપોરે ૧૨.૨૯ વાગ્યા સુધી ચાલશે. આ સૂર્યગ્રહણની અનેક રાશિઓ પર ખરાબ અસર થવાની સંભાવના જ્યોતિષશાસ્ત્રએ વ્યક્ત કરી છે. આ સૂર્યગ્રહણ મેષ અને અશ્વિની નક્ષત્રમાં થવાનું છે. જ્યોતિષશાસ્ત્ર અનુસાર, સૂર્યગ્રહણ બે ખૂબ જ અશુભ યોગોની છાયામાં થશે, જે ઘણી રાશિઓ માટે ચિંતાજનક હોઈ શકે છે. તો આવો જાણીએ કે સૂર્યગ્રહણની સાથે કયા અશુભ યોગ થાય છે અને કઈ રાશિના જાતકોને મુશ્કેલીઓ વધવાની છે.

સૂર્યગ્રહણના દિવસે સૂર્ય અશુભ ગ્રહ રાહુ સાથે તેની ઉચ્ચ રાશિ મેષ રાશિમાં બિરાજમાન થશે. સૂર્ય અને રાહુ સિવાય બુધ પણ આ રાશિમાં રહેશે. બીજું, મંગળ બુધની માલિકી મિથુન રાશિમાં રહેશે. જ્યોતિષશાસ્ત્રમાં મંગળને મેષ રાશિનો સ્વામી માનવામાં આવે છે અને બુધ મિથુન રાશિનો સ્વામી છે. એટલા માટે મંગળ અને બુધ એકબીજાની રાશિમાં હોવાને કારણે ગ્રહણનો યોગ બની રહ્યો છે. સૂર્યગ્રહણના દિવસે બનેલા આ બન્ને યોગ ખૂબ જ અશુભ માનવામાં આવે છે.

આ પણ જુઓ – Solar Eclipse 2022: મુંબઈના અદભૂત દ્રશ્યો જુઓ અહીં

સૂર્યગ્રહણની અસર આ ત્રણ રાશિઓ પર થશે :

૧. મેષ :

સૂર્યગ્રહણ મેષ લગ્ન ભાવમાં થઈ રહ્યું છે. સૂર્યગ્રહણ દરમિયાન બનેલા આ બન્ને અશુભ યોગ મેષ રાશિના લોકો માટે મુશ્કેલ બની શકે છે. સ્વાસ્થ્યને નુકસાન થઈ શકે છે, માનસિક તણાવ વધી શકે છે, તૈયાર કામ અટકી શકે છે, બિઝનેસમાં ખોટો નિર્ણય તેમને મોટા નુકસાન તરફ ધકેલી શકે છે. નોકરીમાં પણ મોટું સંકટ આવી શકે છે.

૨. વૃષભ :

સૂર્યગ્રહણ દરમિયાન બનેલો અશુભ યોગ આ રાશિના જાતકોના જીવનમાં ઉતાર-ચઢાવ લાવી શકે છે. ઘરેલું સમસ્યાઓ વધી શકે છે. આ અશુભ સમયગાળો એકસાથે અનેક મુશ્કેલીઓને આમંત્રણ આપતો જણાય છે. ગુસ્સા અને ઉતાવળમાં આ રાશિના લોકો ખોટો નિર્ણય લઈ શકે છે, જે તેમને મોટી મુશ્કેલીમાં ફસાવી શકે છે, પૈસાની સમસ્યા થઇ શકે છે, ખર્ચ વધી શકે છે, ઘરની આર્થિક સ્થિતિ બગડી શકે છે.

આ પણ વાંચો – Amavasya: અમાસ પર આ યોગમાં કાર્ય કરશો તો સફળતા જરૂર મળશે

૩. કન્યા :

કન્યા રાશિના જાતકોએ સૂર્યગ્રહણ દરમિયાન ખૂબ કાળજી રાખવી પડશે. આ રાશિના જાતકોને એક જ સમયે ઘણી સમસ્યાઓનો સામનો કરવો પડી શકે છે, આર્થિક સ્થિતિ બગડી શકે છે, કોઈ જૂનો રોગ ફરી થઈ શકે છે અને મુશ્કેલીમાં વધારો કરી શકે છે, પરિવારમાં કોઈ વાતને લઈને અણબનાવ થઈ શકે છે, ઓફિસમાં લોકો સાથેના સંબંધો પણ બગડી શકે છે, પોસ્ટ-પ્રતિષ્ઠાને નુકસાન થઈ શકે છે, સ્વાસ્થ્યનું વધુ ધ્યાન રાખવું પડશે.