જાણો તમારું સાપ્તાહિક રાશિભવિષ્ય

જાણો તમારું સાપ્તાહિક રાશિભવિષ્ય

મેષ (અ,લ,ઈ) : નાણાંની લેવડદેવડનો વ્યવહાર સારી રીતે સચવાય. ગમે એવા લાંબા સમયથી કરેલાં બાકી કામોનો ઉકેલ થાય. નવા-નવા ધંધામાં ઑર્ડર મળે પણ ઉઘરાણી ફસાઈ જાય. વિષ્ણુ સહસ્ત્રના પાઠ નિયમિત કરવા.
વૃષભ (બ,વ,ઊ) : બૅન્કના કામકાજમાં વધુ શ્રમ (થાક) અનુભવાય. નાણાંની ઉઘરાણી કરવા જતાં ઝઘડો થાય. નાના કામકાજ માટે વધારે દોડધામ રહ્યા કરે. પોતાનો મોબાઇલ નંબર અજાણી વ્યક્તિને ન આપવો.
મિથુન (ક,છ,ઘ) : ધંધો વધારવા માટે નિર્ણય ઝડપથી ન લેવા. પુત્ર-પુત્રીના સગપણ માટે વાતો આગળ વધતી જણાય. બહારનાં તૈયાર ફુડ-પૅકેટ ન ખાવા.
કર્ક (હ,ડ) : નાણાકીય આયોજન વધુ દેવાવાળું બને. રાત્રે ભયસૂચક સ્વપ્નો આવે. સામાજિક વ્યવહાર સાચવવા માટે બૅન્કની લોન લેવી પડે. નોકરી-ધંધામાં સંબંધો બગડે.
સિંહ (મ,ટ) : માનસિક આર્થિક ચિંતા સતત વધતી જણાય. મહત્ત્વની મીટિંગ કોઈ પણ કારણસર રદ થાય. ગરદનમાં શારીરિક તકલીફ વધે. નોકરી-ધંધાના સ્થળે જતાં વારંવાર રસ્તો બદલીને જવું.
કન્યા (પ,ઢ,ણ) : સામાજિક પ્રશ્નો વધુ જટીલ બને. નાનાં-મોટાં કાર્યોમાં અજાણી વ્યક્તિની સહાય મળે. અગત્યની બાબતોમાં નિર્ણય લેવામાં દ્વિધાભરી સ્થિતિ બને. સફેદ વસ્ત્ર પરિધાનથી ફાયદો.
તુલા (ર,ત) : લાંબી મુસાફરીમાં દાગીના ચોરાઈ શકે. સરકારી નોટિસનો જવાબ વારંવાર આપવો પડે. ઉઘરાણી જવાની ચિંતા સતત રહ્યા કરે. જૂના સંબંધો બગડેલા સુધારવામાં ભવિષ્ય માટે શુભ બની રહે.
વૃશ્ચિક (ન,ય) : લાંબા ગાળાની માંદગી આકસ્મિક આવી શકે. રાત્રે ઊંઘ ન આવે અને વારંવાર સ્વપ્નો આવે. પ્રેમિકા સાથે જૂના બગડેલા સંબંધો તાજા થાય. કુળદેવી ઉપાસના સાથોસાથ મહાકાળીની ઉપાસના શીઘ્ર ફળદાયી નીવડે.
ધન (ભ,ધ,ફ,ઢ) : કાયદાકીય પ્રશ્નોનું નિરાકરણ ન આવે. સ્વાસ્થ્યની સમસ્યા સતત સતાવે. શનિવારે સાંજે જૂના સ્વજન આકસ્મિક મળવાનો પ્રબળ યોગ. જૂના રોગ માટે આયુર્વેદિક દવા લાભકારી બની રહે.
મકર (ખ,જ) : વારંવાર ઊછીના ઉધાર પૈસા કરવાનો અવસર બને. સંધ્યા સમયે શુભ સમાચાર આવી શકે. મનમાં સતત અજંપો રહ્યા કરે. બૅન્કોની નાની-મોટી લોન અને ક્રેડિટ કાર્ડ નવા ન લેવા.
કુંભ (ગ,સ,શ) : શનિવારની સાંજ સ્વજનથી અલવિદાવાળો અશુભ સમય બની શકે. આરોગ્ય નરમ-ગરમ રહ્યા કરે. પરીક્ષામાં નિષ્ફળતા મળવાથી ડિપ્રેશન આવી શકે. ખાનપાનમાં વિશેષ કાળજી રાખવી.
મીન (દ,ચ,ઝ,થ) : નજીકના મિત્રો મૂર્ખ બનાવી શકે. સપ્તાહમાં બાકી કામોનો નીવેડો વાણી દ્વારા નહીં, પરંતુ કલમ દ્વારા ઉકેલ આવી શકે. કોર્ટ-કચેરીનાં કામોમાં નિર્ણયો બદલાઈ જાય. ગુરુમંત્ર, ઉપાસના પર શ્રદ્ધા-વિશ્વાસ અવશ્ય રાખો.