01 September, 2024 01:30 PM IST | Mumbai | Gujarati Mid-day Online Correspondent
ગણેશમૂર્તિની ફાઇલ તસવીર
હિંદુ ધર્મમાં ભગવાન ગણેશને પ્રથમ દેવતા તરીકે પૂજવામાં આવે છે. દર વર્ષે ભાદ્રપદ મહિનાની શુક્લ પક્ષની ચતુર્થી તિથિએ ગણેશ જન્મોત્સવનો તહેવાર દેશભરમાં ખૂબ જ ઉત્સાહ સાથે ઉજવવામાં આવે છે. આ દિવસ ગણેશ ચતુર્થી (Ganesh Chaturthi 2024) તરીકે પ્રખ્યાત છે. ધાર્મિક માન્યતાઓ અનુસાર આ ખાસ દિવસે ભગવાન ગણેશની પૂજા કરવાથી જીવનમાં સુખ-સમૃદ્ધિ આવે છે અને તમામ પ્રકારની પરેશાનીઓ દૂર થાય છે. તમને જણાવી દઈએ કે, આ વર્ષે ગણેશ ચતુર્થી પર ઘણા શુભ યોગ બની રહ્યા છે, જે પૂજા માટે શ્રેષ્ઠ માનવામાં આવે છે.
ગણેશ ચતુર્થી (Ganesh Chaturthi 2024)થી આગામી દસ દિવસ સુધી ગણેશ ઉત્સવ ખૂબ જ ધામધૂમથી ઉજવવામાં આવે છે. ભક્તો દરેક ઘરમાં બાપ્પાની મૂર્તિની સ્થાપના કરે છે અને દસ દિવસ સુધી વિધિ-વિધાનથી તેમની પૂજા કરે છે. આવો જાણીએ આ વર્ષે ગણેશ ચતુર્થી ક્યારે છે અને આ પ્રસંગે કયા શુભ યોગ બને છે.
ગણેશ ચતુર્થીના દિવસે પૂજાનું મહત્વ
ભગવાન ગણેશને વિઘ્નહર્તા કહેવામાં આવે છે. એવું માનવામાં આવે છે કે, તેમની પૂજા કરવાથી તમામ પ્રકારના અવરોધો દૂર થાય છે અને કાર્યમાં સફળતા મળે છે. ગણેશ ચતુર્થીને નવી શરૂઆતનું પ્રતીક માનવામાં આવે છે. આ દિવસે નવા કાર્યની શરૂઆત કરવી શુભ માનવામાં આવે છે. ભગવાન ગણેશને જ્ઞાન અને બુદ્ધિના દેવતા પણ માનવામાં આવે છે. તેમની પૂજા કરવાથી બુદ્ધિ વધે છે અને જ્ઞાનની પ્રાપ્તિ થાય છે. ભગવાન ગણેશની પૂજા કરવાથી ઘરમાં સુખ-સમૃદ્ધિ આવે છે. ભગવાન ગણેશની પૂજા કરવાથી ઘરમાં સકારાત્મક ઉર્જા આવે છે.
ગણેશ ચતુર્થી ૨૦૨૪નો શુભ સમય
વૈદિક કેલેન્ડર અનુસાર, ભાદ્રપદ મહિનાના કૃષ્ણ શુક્લ પક્ષની ચતુર્થી તિથિ ૦૬ સપ્ટેમ્બરના રોજ બપોરે ૦૩.૦૫ વાગ્યે શરૂ થશે અને આ તારીખ ૦૭ સપ્ટેમ્બરના રોજ સાંજે ૦૫.૩૫ વાગ્યે સમાપ્ત થશે. ત્યારે ૭ સપ્ટેમ્બર, ૨૦૨૪ શનિવારે ગણેશ ચતુર્થી ઉજવવામાં આવશે. આ દિવસે ભગવાન ગણેશની પૂજા કરવાનો શુભ સમય સવારે ૧૧.૧૦ થી બપોરે ૧.૩૫ સુધીનો રહેશે.
ગણેશ ચતુર્થી ૨૦૨૪નો શુભ યોગ
પંચાંગમાં કહેવામાં આવ્યું છે કે, ગણેશ ચતુર્થીનો તહેવાર ચિત્રા નક્ષત્રમાં ઉજવવામાં આવશે. જે બપોરે ૧૨.૩૫ સુધી ચાલશે અને ત્યારબાદ સ્વાતિ નક્ષત્ર શરૂ થશે. તેમજ આ ખાસ દિવસે બ્રહ્મ યોગની રચના પૂર્ણ થઈ છે જે રાત્રે ૧૧.૧૫ વાગ્યા સુધી ચાલુ રહેશે. આ સાથે આ ખાસ દિવસે સર્વાર્થ સિદ્ધિ યોગ અને રવિ યોગ પણ રચાઈ રહ્યા છે. રવિ યોગ સવારે ૦૬.૦૫ થી ૧૨.૩૪ સુધી ચાલશે અને ત્યારબાદ સર્વાર્થ સિદ્ધિ યોગ શરૂ થશે.
ગણેશ ચતુર્થીના દિવસે ચંદ્રદર્શન પર પ્રતિબંધ
શાસ્ત્રો અનુસાર ગણેશ ચતુર્થીના શુભ અવસર પર ચંદ્ર દર્શન વર્જિત છે. તેના પાછળનું કારણ એ છે કે, આ દિવસે ચંદ્રને કલંકિત કરવામાં આવે છે. જેના કારણે જે કોઈ ચંદ્રને જુએ છે તે ખોટો આરોપ લગાવવાનું પાપ કરે છે.
દંતકથા અનુસાર, ભગવાન ગણેશે ચંદ્ર ભગવાનને શ્રાપ આપ્યો હતો કે જે કોઈ ભાદ્રપદ શુક્લ પક્ષની ચતુર્થી તિથિ પર ચંદ્રને જોશે તેને ખોટા આરોપથી શ્રાપ આપવામાં આવશે. આ શ્રાપ ભગવાન શ્રી કૃષ્ણ પર પણ લગાવવામાં આવ્યો છે.