હેલ્થને લઈને વરુણની ‘સિટાડેલ’માંથી નીકળી ગઈ સમન્થા?

સમન્થા કે તેની ટીમ તરફથી કોઈ સત્તાવાર જાહેરાત નથી કરવામાં આવી

સમન્થા રૂથ પ્રભુ

સમન્થા રૂથ પ્રભુ હેલ્થને લઈને વરુણ ધવન સાથેની આગામી સિરીઝ ‘સિટાડેલ’માંથી નીકળી ગઈ હોવાની ચર્ચા છે. આગામી ત્રણ મહિના સુધી તેને જાહેરમાં ન આવવાની સલાહ આપવામાં આવી છે. આ જ કારણ છે કે તે રાજ અને ડીકેની આ સિરીઝમાંથી બહાર નીકળી ગઈ છે. જોકે સમન્થા કે તેની ટીમ તરફથી કોઈ સત્તાવાર જાહેરાત નથી કરવામાં આવી. સમન્થા માયોસાઇટિસ નામની બીમારીથી પીડાય છે. એથી જ્યાં સુધી તે પૂરી રીતે સ્વસ્થ ન થઈ જાય ત્યાં સુધી તે બ્રેક લેવાની છે. એવું જાણવા મળ્યું છે કે તે કદાચ મેથી પ્રોજેક્ટ્સ શરૂ કરશે.