19 October, 2023 05:18 PM IST | Mumbai | Gujarati Mid-day Correspondent
ઇલા અરુણ
વેબ-સિરીઝ ‘આર્યા ૩’માં જોવા મળનાર ઇલા અરુણનું કહેવું છે કે આ શોમાં તેમના પાત્રમાં દેવીનાં ૯ રૂપ દેખાશે. ડિઝની+હૉટસ્ટાર પર આ શો ત્રીજી નવેમ્બરથી શરૂ થવાનો છે. શોમાં સુસ્મિતા સેન લીડ રોલમાં દેખાશે. નલિનીના રોલમાં ઇલા અરુણ દેખાશે. એ રોલ વિશે ઇલા અરુણે કહ્યું કે ‘મારું કૅરૅક્ટર ભૂતકાળ પરથી આકાર લે છે. નલિની એક એવી મહિલા છે જેની લાઇફમાં ઘટનારી ઘટનાથી તેની અંદર દેવીનાં નવ રૂપ જોવા મળશે. આ અનુભવ તેને મજબૂત તો બનાવે છે, પરંતુ સાથે જ તે સ્વાર્થી પણ બને છે. કોઈ માર્ગ અયોગ્ય નથી, પરંતુ જ્યારે એક મહિલા પાસે કોઈ પર્યાય ન બચે ત્યારે તે સુરક્ષા માટે આવો માર્ગ અપનાવે છે. આ ત્યારે થાય છે જ્યારે વિદ્રોહ ઊભો થાય છે અને એની સ્ટોરી મારા પાત્ર અને આર્યાના પાત્રની આસપાસ ફરે છે. એમાં દેખાડવામાં આવશે કે અમારા પાત્રએ લાઇફમાં કેટલું વેઠવું પડ્યું છે.’