13 June, 2023 03:15 PM IST | Mumbai | Gujarati Mid-day Correspondent
રિચર્ડ મૅડન અને પ્રિયંકા ચોપડા
પ્રિયંકા ચોપડા જોનસનું તેના શો ‘સિટાડેલ’ને લઈને માનવું છે કે તમામ લોકોને ધ્યાનમાં રાખીને આ શો બનાવવામાં આવ્યો હતો અને એ ઉદ્દેશમાં તેઓ સફળ રહ્યા છે. શોની સીક્વલ બનાવવાની પણ તૈયારી ચાલી રહી છે. ઍમેઝૉન પ્રાઇમ વિડિયો પર આ શો દેખાડવામાં આવ્યો હતો. આ શોમાં પ્રિયંકાએ શાનદાર ઍક્શન કરી છે. યુએસમાં આ શોનો પર્ફોર્મન્સ સ્લો છે. એ વિશે પ્રિયંકાએ કહ્યું કે ‘ક્રીએટિવ દૃષ્ટિની વાત કરું તો અમારી જીત થઈ છે, કારણ કે દુનિયાભરના લોકોને ધ્યાનમાં રાખીને આ શોને બનાવવાનો અમારો ઉદ્દેશ સફળ રહ્યો છે. એવું જરૂરી નથી કે દરેક ઠેકાણે દરેક શોને એકસમાન સફળતા મળે. જોકે ફ્રૅન્ચાઇઝી આગળ વધે તો આંકડા પણ વધે છે, એમાં ડોમેસ્ટિકનો પણ સમાવેશ થાય છે. મને એવું લાગે છે કે એમાં ઘણાંબધાં ચૅપ્ટર્સ છે. જેમ-જેમ શો જોવામાં આવશે લોકો એને અલગ રીતે પ્રતિક્રિયા આપતા થશે. અમેરિકામાં આપણે આરામ ફરમાવતા અને દરેક વસ્તુને કુશાગ્ર બુદ્ધિથી જોતા હોઈએ છીએ. ઉદાહરણ તરીકે તેઓ એમ વિચારે છે કે ‘હંમ, છેલ્લી સીઝનની સરખામણીએ આ શો એટલો ખાસ નહોતો.’ મને એવું લાગે છે કે ‘સિટાડેલ’ને પણ આગળ વધવામાં સમય લાગશે.’