ભૂમિ વેબ-સિરીઝમાં મહત્ત્વાકાંક્ષી મહિલાના પાત્રને સાકાર કરશે

આ જ કારણ છે કે તે આગામી વેબ-સિરીઝ ‘દલદલ’માં મહત્ત્વાકાંક્ષી મહિલાની ભૂમિકામાં જોવા મળવાની છે

ભૂમિ પેડણેકર

મહિલાઓને સશક્ત દેખાડવામાં આવે એવા પાત્રને સાકાર કરવું ભૂમિ પેડણેકરને ગમે છે. આ જ કારણ છે કે તે આગામી વેબ-સિરીઝ ‘દલદલ’માં મહત્ત્વાકાંક્ષી મહિલાની ભૂમિકામાં જોવા મળવાની છે. એનું શૂટિંગ ગઈ કાલે શરૂ કરવામાં આવ્યું છે. આ થ્રિલર શોમાં તે DCP રીટા ફરેરાના રોલમાં દેખાવાની છે. એમાં તેને કેટલાંક મર્ડર્સની ગુથ્થી ઉકેલવાની હોય છે. તેને એ સિરિયલ-કિલરની શોધ કરવાની હોય છે. પોતાના આ પાત્રને સુપર-અચીવર જણાવીને ભૂમિ કહે છે, ‘મને એવું લાગે છે કે મારું આ પાત્ર સમયની સાથે લોકોને પણ એની સાથે જોડશે, કારણ કે હવે મહિલાઓ સમાજની રૂઢિવાદી પરંપરામાં બંધાઈને નથી રહી. મહિલાઓ હવે મહત્ત્વાકાંક્ષી અને સ્વતંત્ર બની છે.’