‘પ્યાર કા પહલા અધ્યાય શિવ શક્તિ’માં મારું પાત્ર મનોરંજન પૂરું પાડશે : નિમિશા વખારિયા

શોમાં તે ગુજરાતી પાત્ર ભજવતી દેખાશે. ત્રીજી જુલાઈથી આ શો સાંજે સાડાસાત વાગ્યે ટેલિકાસ્ટ કરવામાં આવશે.

નિમિશા વખારિયા

ઝી ટીવી પર શરૂ થનાર સિરિયલ ‘પ્યાર કા પહલા અધ્યાય શિવ શક્તિ’માં નિમિશા વખારિયાનું પાત્ર લોકોને મનોરંજન પૂરું પાડશે. આ શોમાં તે ગુજરાતી પાત્ર ભજવતી દેખાશે. ત્રીજી જુલાઈથી આ શો સાંજે સાડાસાત વાગ્યે ટેલિકાસ્ટ કરવામાં આવશે. આ સિરિયલમાં પોતાના પાત્ર મનોરમા વિશે નિમિશાએ કહ્યું કે ‘હું ‘પ્યાર કા પહલા અધ્યાય શિવ શક્તિ’માં મનોરમાનો રોલ કરવા ખૂબ ઉત્સુક છું. હું ગુજરાતી પાત્રમાં જોવા મળીશ અને મારું પાત્ર આ શોમાં મનોરંજન લઈને આવશે. તે એક મમ્મી તરીકે શોની લીડિંગ લેડી શક્તિ કરતાં પોતાનાં બાળકોની ખૂબ કાળજી લે છે. મને એ વાતની ખુશી છે કે આ રોલ દ્વારા હું મારા કમ્ફર્ટ ઝોનમાં પાછી ફરી છું. આશા છે કે દર્શકોને મારો આ નવો અવતાર ગમશે.’