02 September, 2022 03:20 PM IST | Mumbai | Gujarati Mid-day Correspondent
કપિલ શર્મા, કૃષ્ણા અભિષેક કીકુ શારદા
‘ધ કપિલ શર્મા શો’ની ત્રીજી સીઝનમાં કૃષ્ણા અભિષેક પાછો ફરવાનો છે એવી વાત તેણે કરી છે અને સાથે જ જણાવ્યું છે કે કપિલ શર્મા સાથે તેના કોઈ મતભેદ નથી. ‘ધ કપિલ શર્મા શો’ ૧૦ સપ્ટેમ્બરથી સોની પર શરૂ થવાનો છે. આ વખતની સીઝનમાં નવા ચહેરાઓ પણ જોવા મળશે. એથી એવું કહેવામાં આવતું હતું કે કૃષ્ણા અને કપિલ વચ્ચે સંબંધો વણસ્યા છે. જોકે હાલમાં જ કપિલ શર્મા, કૃષ્ણા અભિષેક અને કીકુ શારદા ઑસ્ટ્રેલિયાની ટૂર પર નીકળ્યા છે. તાજેતરમાં જ એ વિવાદને લઈને કૃષ્ણા અભિષેકે કહ્યું કે ‘અમારી વચ્ચે કોઈ મતભેદ નથી. અમે સાથે ઑસ્ટ્રેલિયા જઈ રહ્યા છીએ. મારા અને કપિલ વિશે ખબર નહીં કેવી અફવા ફેલાવવામાં આવે છે કે આવું થયું કે તેવું થયું. નહીં, કોઈ વિવાદ નથી. હું તેને પ્રેમ કરું છું અને તે મને પ્રેમ કરે છે. એ શો મારો પણ છે. હું ફરીથી એમાં દેખાવાનો છું.’