ફ્રીઝરના દૃશ્યમાં આઇસ સ્મોકને લઈને મુશ્કેલી પડી હતી માનવ ગોહિલને

આ દૃશ્ય માટે ડ્રાઇ આઇસ અને લુહાન સ્મોકનો ઉપયોગ કરવામાં આવ્યો હતો.

ફ્રીઝરના દૃશ્યમાં આઇસ સ્મોકને લઈને મુશ્કેલી પડી હતી માનવ ગોહિલને

માનવ ગોહિલનું કહેવું છે કે ‘મૈં હૂં અપરાજિતા’ના એક દૃશ્ય માટે તેણે ફ્રીઝર સાથે શૂટિંગ કરવાનું હતું. આ માટે તેને ઘણી મુશ્કેલી પડી હતી. આ દૃશ્ય માટે ડ્રાઇ આઇસ અને લુહાન સ્મોકનો ઉપયોગ કરવામાં આવ્યો હતો. આ વિશે વાત કરતાં માનવ ગોહિલે કહ્યું કે ‘મારી ‘મૈં હૂં અપરાજિતા’નું આગામી દૃશ્ય લોકોને ખૂબ જ એન્ટરટેઇન કરશે. મને જ્યારે આ દૃશ્ય વિશે કહેવામાં આવ્યું ત્યારે હું થોડો ચિંતિત થઈ ગયો હતો, કારણ કે મારે કૉમ્પૅક્ટ ડીપ ફ્રીઝર ટ્રકમાં એનું શૂટિંગ કરવાનું હતું. આ સાથે જ ડ્રાય સ્મોકની પણ જરૂર પડી હતી. આથી આટલી જગ્યામાં શૂટ કરવું મારા માટે મુ​શ્કેલ હતું. જોકે આ હટકે શૂટ કરવામાં મજા આવી હતી. પાંચ કલાકમાં મેં શૂટિંગ પૂરું કર્યું હતું.’