‘એન્ટરટેઇનમેન્ટ કી રાત-હાઉસફુલ’માં જોડાઈને હું અતિશય એક્સાઇટેડ છું : સુધા ચન્દ્રન

કલર્સ પર ૧૫ એપ્રિલથી શરૂ થનાર આ શોને હર્ષ લિંબાચિયા અને પુનિત જે. પાઠક હોસ્ટ કરશે. સુધા ચન્દ્રન ‘કહીં કિસી રોઝ’ સિરિયલ માટે ફેમસ છે

ફાઇલ તસવીર

કલર્સના શો ‘એન્ટરટેઇનમેન્ટ કી રાત-હાઉસફુલ’માં સામેલ થઈને સુધા ચન્દ્રન ખૂબ એક્સાઇટેડ છે. કલર્સ પર ૧૫ એપ્રિલથી શરૂ થનાર આ શોને હર્ષ લિંબાચિયા અને પુનિત જે. પાઠક હોસ્ટ કરશે. સુધા ચન્દ્રન ‘કહીં કિસી રોઝ’ સિરિયલ માટે ફેમસ છે. તેમણે ‘માલામાલ વીકલી’ અને ‘શાદી કરકે ફંસ ગયા યાર’ જેવી કેટલીયે ફિલ્મોમાં પણ કામ કર્યું છે. આ નવા શો ‘એન્ટરટેઇનમેન્ટ કી રાત-હાઉસફુલ’ માટે સુધાએ કહ્યું કે ‘એક ઍક્ટર તરીકે હું હંમેશાં અનોખા અને ચૅલેન્જિંગ રોલ્સ શોધતી હોઉં છું. ‘એન્ટરટેઇનમેન્ટ કી રાત-હાઉસફુલ’માં પણ મારો એવો જ રોલ છે. એમાં મારો રોલ અસાધારણ નાનીનો છે, જેને પડકાર ઝીલવા ગમે છે અને પોતાના ગ્રૅન્ડ સન્સ સાથેની મારી એક્સાઇટિંગ જર્ની છે. આ શો તાજી હવા જેવો છે અને આ શો સાથે જોડાઈને હું ખૂબ ઉત્સુક છું. આશા છે કે દર્શકોને પણ મજા આવશે જેટલી મને મજા આવી છે.’