હિના ખાનનો થિયેટર ડેબ્યુ

ચંદન રૉય સાન્યાલ અને કુણાલ રૉય કપૂર સાથે દેખાશે ‘ષડયંત્ર’માં

હિના ખાન

મર્ડર મિસ્ટરી ‘ષડયંત્ર’માં હિના ખાન, ચંદન રૉય સાન્યાલ અને કુણાલ રૉય કપૂર જોવા મળશે. આ એક ટેલિ પ્લે નાટક છે, જેને તાતા પ્લે થિયેટર પર અઢાર ડિસેમ્બરે ઑન ઍર કરવામાં આવશે. આ નાટકમાં હિનાએ નતાશાનું પાત્ર ભજવ્યું છે અને તેના પતિ રોહન તિવારીનું પાત્ર ચંદને ભજવ્યું છે. આ વિશે હિનાએ કહ્યું કે ‘મને ખુશી છે કે નાટકમાં કામ કરવાનું મારું સપનું પૂરું થયું છે. હું ‘ષડયંત્ર’ દ્વારા નાટકમાં મારો ડેબ્યુ કરી રહી છું. હું નતાશાનું પાત્ર ભજવી રહી છું જે બીજા પર સરળતાથી વિશ્વાસ કરતી હોય છે અને હંમેશાં લોકોની મદદ કરતી હોય છે. જોકે તેની લાઇફમાં કંઈ એવું થાય છે કે તે તેની રિલેશનશિપને એકદમ ક્લોઝલી જોવાનું શરૂ કરે છે. તેનામાં ઘણો બદલાવ આવે છે. મારે ​પહેલેથી થિયેટર કરવું હતું અને આ પ્રોસેસમાં મને ખૂબ જ મજા આવી હતી. આશા રાખું છું કે ભવિષ્યમાં પણ મને થિયેટર કરવા મળે.’