31 October, 2022 01:43 PM IST | Mumbai | Gujarati Mid-day Correspondent
વિપુલ શાહ
સિન્ગિંગ રિયલિટી શો ‘ઇન્ડિયન આઇડલ 13’માં સ્પર્ધક સેન્જુતી દાસનો પર્ફોર્મન્સ જોઈને પ્રોડ્યુસર વિપુલ શાહ એટલો પ્રભાવિત થયો કે તેણે તેને બ્રેક આપ્યો છે. સોની પર આવતા આ શોને હિમેશ રેશમિયા, નેહા કક્કર અને વિશાલ દાદલાની જજ કરે છે. આ શોમાં સેન્જુતીની પ્રશંસા કરતાં વિપુલ શાહે કહ્યું કે ‘હું આ વખતના ‘ઇન્ડિયન આઇડલ’ને રેગ્યુલર જોઉં છું. દરેક વખતે સ્પર્ધકો તેમના અવાજથી મને પ્રભાવિત કરે છે. તેઓ શાનદાર છે. આજે સેન્જુતીને સાંભળીને હું તેના વર્ઝનનું ‘કી જાના’ને રિલીઝ કરવા માગું છું. મને ‘ઇન્ડિયન આઇડલ’ ગમે છે, કેમ કે અહીં જજિસની સાથે બધા જ સેલ્ફ-મેડ છે.’
તો શોમાં હાજર સોનાક્ષી સિંહાએ કહ્યું કે ‘તમારા પર્ફોર્મન્સમાં તમારી મહેનત દેખાય છે અને તેં ખૂબ સરસ રીતે ગીત ગાયું છે. મને એવું લાગ્યું કે હું પ્લેબૅક પ્રોડક્ટને સાંભળી રહી છું.’ જજ નેહાએ કહ્યું કે ‘સેન્જુતી, તું ઇન્ટેલિજન્ટ સિંગર છે. તે બે ગીતોને બૅલૅન્સ્ડ ફીલિંગ્સ સાથે ગાયાં છે. તેં જે બે ગીત ગાયાં એ બન્ને અલગ સ્ટાઇલનાં છે. મારા માટે તો તું ફિનાલે સિંગર બની ગઈ છે.’