Mohit Raina બન્યા પિતા, `દેવોં કે દેવ મહાદેવ`એ બતાવી દીકરીની પહેલી ઝલક

ગયા વર્ષે જાન્યુઆરીમાં મોહિતે અદિતિ શર્માની સાથે પોતાના લગ્નની જાહેરાત કરતા પોતાના ઈન્સ્ટાગ્રામ હેન્ડલ પર કેટલીક તસવીર શૅર કરી. હવે આ જોડીએ પોતાના જીવનમાં એક નાનકડી બાળકીનું સ્વાગત કર્યું છે.

તસવીર સૌજન્ય મિડ-ડે

મોહિત રૈના ટેલીવિઝનના જાણીતા ચહેરામાંના એક છે, જે `દેવોં કે દેવ... મહાદેવ`માં મહાદેવ તરીકે પોતાના રોલ પછી જાણીતા થયા. ગયા વર્ષે જાન્યુઆરીમાં મોહિતે અદિતિ શર્માની સાથે પોતાના લગ્નની જાહેરાત કરતા પોતાના ઈન્સ્ટાગ્રામ હેન્ડલ પર કેટલીક તસવીર શૅર કરી. જો કે, તેમના લગ્નના સમાચાર ફેલાવાની તરત પછી, તેમના ડિવૉર્સની અફવા ઉડી. પણ ગયા વર્ષે ડિસેમ્બરમાં એક્ટરે તે બધી અટકળોને ફગાવી દીધી હતી અને હવે આ જોડીએ પોતાના જીવનમાં એક નાનકડી બાળકીનું સ્વાગત કર્યું છે.

જે લોકો નથી જાણાત, તેમના માટે મોહિત અને અદિતિ કૉમન ફ્રેન્ડ્સ દ્વારા મળ્યા અને એક-બીજાના પ્રેમમાં પડ્યા. જો કે, તેમણે આ બધું ત્યાં સુધી છુપાવી રાખ્યું હતું, જ્યાં સુધી કે તેઓ એક-બીજાની સાથે ગઠબંધનમાં બંધાયા. આ કપલે પ્રેગ્નેન્સીના સમાચાર પણ છુપાવી રાખ્યા હતા અને હવે તે એક બાળકીના માતા-પિતા બની ગયા છે.

મોહિત રૈનાની દીકરી
થોડોક સમય પહેલા, મોહિત રૈનાએ પોતાના ઈન્સ્ટાગ્રામ હેન્ડલ પર એક ક્યૂટ તસવીર શૅર કરી, જ્યાં મોહિત અને અદિતિની આંગળીઓની ચારેબાજુ એક નાનકડો હાથ લપેટાયેલો જોઈ શકાય છે. મોહિતે આ રોમાંચક સમાચાર શૅર કરતા કૅપ્શનમાં લખ્યું- અને પછી આ રીતે અમે ત્રણ થઈ ગયા. વિશ્વમાં તમારું સ્વાગત છે બાળકી.

આ પણ વાંચો : બે વર્ષની સગાઈ બાદ અલગ થયાં વિદ્યુત

ડિવૉર્સના આવ્યા હતા સમાચાર
થોડાક મહિના પહેલા એવી અફવા ઉડી હતી કે મોહિત રૈના અને અદિતિ શર્મા ડિવૉર્સ લેવા જઈ રહ્યા છે. પણ એક્ટરે તે બધી અટકળોને ફગાવી દીધી હતી અને ઈન્ડિયન એક્સપ્રેસની સાથેના એક ઈન્ટરવ્યૂમાં કહ્યું હતું - મને ખરેખર નથી ખબર કે આ ક્યાંથી શરૂ થયું, આ એક ઑનલાઈન પોર્ટલ પરથી કરવામાં આવ્યું હતું. તેમણે આગળ કહ્યું કે તે હાલ પોતાની પહેલી એનિવર્સરી ઉજવી રહ્યા છે.