12 December, 2024 09:20 AM IST | Mumbai | Gujarati Mid-day Correspondent
ફાઇલ તસવીર
કૉમેડિયન સુનીલ પાલના અપહરણ કેસમાં ગઈ કાલે સવારે વાઇરલ થયેલી એક ઑડિયો-ક્લિપ બાદ નવો વળાંક આવ્યો છે. આ ઑડિયો-ક્લિપમાં સુનીલ પાલે પોતે જ આ અપહરણ પ્લાન કર્યો હોવાનું કહેવાય છે. એની સામે સુનીલ પાલે નવા ઑડિયોમાં ખુલાસો કરીને કહ્યું હતું કે ‘અપહરણકર્તાઓએ મારી પાસેથી આ બધું ધમકાવીને બોલાવી લીધું હતું. તેમની પાસે મારો મોબાઇલ હોવાથી મારી તમામ માહિતી હતી એટલે મેં બોલી દીધું હતું.’
ગઈ કાલે મેરઠના લાલકુર્તી પોલીસ-સ્ટેશનમાં સુનીલ પાલની પત્ની સરિતા પાલ
આ મામલે વધુ માહિતી આપવા માટે ગઈ કાલે સુનીલ પાલ અને તેમની પત્ની સરિતા પાલ મેરઠના લાલકુર્તી પોલીસ-સ્ટેશન પર પહોંચી ગયાં હતાં.