25 June, 2023 10:46 AM IST | Mumbai | Gujarati Mid-day Correspondent
સલમાન ખાન
સલમાન ખાનનું કહેવું છે કે તેના શોએ દર્શકોને વધુ સ્માર્ટ બનાવી દીધા છે. તે હાલમાં ‘બિગ બૉસ ઓટીટી 2’ હોસ્ટ કરી રહ્યો છે. આ શો જિયો સિનેમા પર સ્ટ્રીમ કરવામાં આવી રહ્યો છે. દર્શકો ૨૪ કલાક સ્ટ્રીમિંગ પણ જોઈ શકે છે. ઓટીટીની પહેલી સીઝન કરણ જોહરે હોસ્ટ કરી હતી, પણ દર્શકોને એ બિલકુલ પસંદ નહોતો પડ્યો. તે બાયઝ્ડ હોસ્ટ હતો અને ફક્ત પોતાના વિચારો બીજા પર થોપતો જોવા મળ્યો હતો. આ વિશે સલમાન ખાને કહ્યું કે ‘મને લાગે છે કે ‘બિગ બૉસ’એ લોકોને સ્માર્ટ બનાવી દીધા છે. ‘બિગ બૉસ’ રિયલ હોવા વિશે છે. તમે સારા છો કે ખરાબ એનાથી ફરક નથી પડતો. દર્શકો એને જજ કરી લેશે. આ શોમાં રહેવા માટે તમારે રિયલ રહેવું પડે. દર્શકો ડ્રામા અને ફાઇટને ખૂબ એન્જૉય કરે છે, પરંતુ તેઓ જે પણ વ્યક્તિ ફેક હોય એ જણાવી દે છે. દર્શકો હવે કહી દે છે કે તમારા દિલમાંથી આવેલું કયું ઇમોશન સાચું છે અને સિમ્પથી અથવા તો પૉપ્યુલરિટી માટે તેમણે શું કર્યું છે.’