28 December, 2022 04:45 PM IST | Mumbai | Gujarati Mid-day Correspondent
અંકિત ગુપ્તા
‘બિગ બૉસ 16’ને લોકો સોશ્યલ મીડિયા પર ખૂબ જ વખોડી રહ્યા છે. હાલમાં જ આ શોમાંથી અંકિત ગુપ્તાને એલિમિનેટ કરવામાં આવ્યો હતો. જોકે તેને જે રીતે એલિમિનેટ કરવામાં આવ્યો એનાથી દર્શકો કહી રહ્યા છે કે આ એક સ્ક્રિપ્ટેડ શો છે. અંકિત ઘણાં અઠવાડિયાંથી બચતો આવ્યો હતો. જોકે એમ છતાં તે એલિમિનેટ નહોતો થઈ રહ્યો. આથી બિગ બૉસ દ્વારા તેને કાઢવા માટે જ એલિમિનેટ કરવાની જવાબદારી દર્શકોની જગ્યાએ સ્પર્ધકોને આપી હતી. ઘરના સ્પર્ધકોએ મળીને તેને એલિમિનેટ કર્યો હતો. આથી લોકોની સાથે ઘણી સેલિબ્રિટીઝે પણ બિગ બૉસની નિંદા કરી હતી. બિગ બૉસે અગાઉ અભિનવ શુક્લા સાથે પણ આવું કર્યું હતું. આથી દિવસે-દિવસે ‘બિગ બૉસ’ નિમ્રત અને એમસી સ્ટેન તરફ વધુ બાયસ્ડ હોય એવું દેખાઈ રહ્યું છે. લોકોનું કહેવું છે કે શો ચલાવવા કરતાં નિમ્રતને અથવા તો એમસી સ્ટેનને ટ્રોફી સોંપી દો.