નવી કાર ખરીદ્યા બાદ લોકોને પહેલાં ઘર ખરીદવાની સલાહ આપી અર્જુને

તેણે મર્સિડીઝ બેન્ઝ જીએલઈ કાર ખરીદી છે જેની કિંમત અંદાજે ૧.૨૧ કરોડ રૂપિયાની આસપાસ છે

અર્જુન બિજલાણી

અર્જુન બિજલાણીએ નવી કાર ખરીદી છે. તેણે મર્સિડીઝ બેન્ઝ જીએલઈ કાર ખરીદી છે જેની કિંમત અંદાજે ૧.૨૧ કરોડ રૂપિયાની આસપાસ છે. તે હાલમાં ‘પ્યાર કા પહલા અધ્યાય શિવ-શક્તિ’માં જોવા મળી રહ્યો છે. આ સાથે જ તે ‘ઇન્ડિયાઝ ગૉટ ટૅલન્ટ 10’ને હોસ્ટ પણ કરવાનો છે. નવી કાર ખરીદવાની સાથે જ તેણે યુવાનોને એક સલાહ આપી છે. 
આ વિશે અર્જુને કહ્યું કે ‘આ ગ્લિટર અને ગ્લૅમરને જોઈને પાગલ થવાની જરૂર નથી. સૌથી પહેલાં ઘર ખરીદો અને એના પૈસા બધા ચુકવાઈ ગયા બાદ નવી કાર ખરીદવાનું વિચારો. મને ખુશી છે કે હું મારી ફૅમિલી માટે આ કરી શક્યો છું. હું આજે જે કંઈ છું અને મારી પાસે જે કંઈ છે એ ફક્ત મારા ઑડિયન્સને કારણે છે. મને વર્ષોથી મારા ફૅન્સ પાસેથી પ્રેમ મળ્યો છે અને એ હંમેશાં મળતો રહે એવી આશા રાખું છું.’