‘ખતરોં કે ખિલાડી 13’ની મોટી રકમની ઑફર ઠુકરાવી અધ્યયન સુમને

શેખર સુમનના દીકરા અધ્યયન સુમને ‘ખતરોં કે ખિલાડી 13’ની ઑફરને ઠુકરાવી દીધી

ફાઇલ તસવીર

શેખર સુમનના દીકરા અધ્યયન સુમને ‘ખતરોં કે ખિલાડી 13’ની ઑફરને ઠુકરાવી દીધી છે. એવું જાણવા મળ્યું છે કે તેને ડિજિટલ પ્લૅટફૉર્મ પરથી કોઈ શોની ઑફર કરાઈ છે અને આ જ કારણ છે કે તેણે આ સ્ટન્ટ્સથી ભરેલા રિયલિટી શોમાં આવવાની ના પાડી દીધી છે. રોહિત શેટ્ટી આ શોને હૉસ્ટ કરે છે. આ શોમાં સામેલ થનારા અનેક સ્પર્ધકોના નામની ચર્ચાઓ છાશવારે થાય છે. આ શોને ના પાડી હોવાનું જણાવતાં અધ્યયન સુમને કહ્યું કે ‘મને ભારે રકમ ઑફર કરવામાં આવી હતી. અત્યાર સુધીની સીઝનમાં ઍક્ટર્સને અપાયેલી રકમમાંથી મને સૌથી વધુ રકમની ઑફર કરવામાં આવી હતી. રોહિતસર સાથે કામ કરવાનું હું ચૂકી ગયો. આશા છે કે આવતા વર્ષે મને તેમની સાથે કામ કરવાની તક મળે.’