શાહરુખ ખાનના અવાજ સાથે તાલમેલ ગોઠવવા ખૂબ મહેનત કરી છે અરિજિતે

અરિજિતનું કહેવુ છે કે તેનો અવાજ શાહરુખ સાથે મેળ નથી ખાતો એથી તેણે ખૂબ રિયાઝ કર્યો હતો.

અરિજિત સિંઘ

અરિજિત સિંહે ‘ડંકી’ ફિલ્મમાં શાહરુખ ખાનના ‘ઓ માહી’ અને ‘લુટ પુટ ગયા’ ગીત માટે અવાજ આપ્યો છે. હાલમાં જ ‘ઓ માહી’ ગીત રિલીઝ કરવામાં આવ્યું છે. અરિજિતનું કહેવુ છે કે તેનો અવાજ શાહરુખ સાથે મેળ નથી ખાતો એથી તેણે ખૂબ રિયાઝ કર્યો હતો. એ વિશે અરિજિત સિંહે કહ્યું કે ‘મેં મારા અવાજ પર ખૂબ મહેનત કરી છે. અવાજને આકાર આપવા માટે એને ખૂબ તોડવો-મરોડવો પડ્યો છે. મારો અવાજ શાહરુખ જેવો નથી. આથી મારે ખૂબ રિયાઝ કરવો પડ્યો હતો.’