07 June, 2024 12:18 PM IST | Mumbai | Gujarati Mid-day Correspondent
વિજય સેતુપતિ
વિજય સેતુપતિએ ‘જવાન’માં શાહરુખ ખાન સાથે કામ કર્યું છે. શાહરુખની કામ કરવાની પદ્ધતિ અને તેની એનર્જીથી વિજય ખૂબ પ્રભાવિત થયો છે. વિજય સેતુપતિ સાઉથ ફિલ્મ-ઇન્ડસ્ટ્રીમાં ખૂબ ફેમસ છે. શાહરુખ સાથેના બૉન્ડિંગ વિશે વિજય સેતુપતિ કહે છે, ‘હું દરેકની પાસેથી કાંઈક ને કાંઈક શીખું છું. શાહરુખ ખાન પાસેથી એ શીખવા મળ્યું કે તેની એનર્જીમાં કદી પણ ઘટાડો નથી થતો. એક દિવસ શૂટિંગ દરમ્યાન તેની તબિયત ખરાબ હતી, પરંતુ એ બાબતનો અણસાર તેણે કોઈને આવવા દીધો નહીં. તે જ્યાં સુધી નહીં કહે ત્યાં સુધી કોઈને ખબર નથી પડતી. તેની એ ક્વૉલિટી ખૂબ અદ્ભુત છે. તેણે મારા વિશે ઘણીબધી બાબતો જણાવી એ જાણીને મને ખુશી થઈ હતી. રજનીકાન્ત પણ મારા વિશે અમુક વાત નોંધે છે તો મને આનંદ થાય છે. મને એ વાતની ખુશી થાય છે કે તેમણે મારા વિશે અને મારા પર્ફોર્મન્સ વિશે ઘણુંબધું નોંધી રાખ્યું છે.’
શાહરુખ ખાનનો એક સ્ટાફ-મેમ્બર સ્લમ એરિયામાં રહેતો હોવાથી તે ચાર કે છ મહિનામાં એક વાર રાતે બાર વાગ્યા પછી તેના ઘરે મળવા જતો હતો. તે તેના ઘરે દસથી પંદર મિનિટ પસાર કરતો હતો.