અનુષ્કા શર્માની કરીઅરને લઈને કરણ જોહરે કરેલી કમેન્ટથી ભડક્યો વિવેક અગ્નિહોત્રી

અનુષ્કા શર્મા

વિવેક અગ્નિહોત્રીએ હાલમાં જ તેનો ગુસ્સો કરણ જોહર પર કાઢ્યો હતો. ૨૦૧૬નો એક વિડિયો ઇન્ટરનેટ પર વાઇરલ થયો છે. આ વિડિયોમાં કરણ જોહર એવું કહેતો જોવા મળી રહ્યો છે કે તે અનુષ્કા શર્માની કરીઅરને ખરાબ કરી નાખવા માગતો હતો. સુશાંત સિંહ રાજપૂતના સુસાઇડ બાદ કરણ જોહર પર સતત આરોપ લાગતા આવ્યા છે. હાલમાં જ પ્રિયંકા ચોપડા જોનસે પણ ખુલાસો કર્યો હતો કે તેને બૉલીવુડમાં કૉર્નર કરવામાં આવી હતી. ત્યાર બાદથી તે ફિલ્મોમાંથી ગાયબ જેવી થઈ ગઈ હતી. જોકે અમેરિકામાં કરીઅર બનાવી તે ફરી બૉલીવુડમાં આવી છે. આથી પ્રિયંકાના સ્ટેટમેન્ટને લઈને પણ કરણ પર આરોપ લાગી રહ્યા છે. આની વચ્ચે અનુષ્કા વિશેની તેની કમેન્ટ વાઇરલ થતાં વિવેક અગ્નિહોત્રીએ ટ્વીટ કર્યું કે ‘કેટલાકની હૉબી જ લોકોની કરીઅર બનાવવાની અને તોડવાની હોય છે. કેટલાક લોકો ટૅલન્ટેડ ઍક્ટર્સ સાથે જે ડર્ટી પૉલિટિક્સ રમે છે એને કારણે બૉલીવુડને ગટર કહેવામાં આવે છે.’