Bear Grylls સાથે એડવેન્ચર માણશે વિકી કૌશલ, ચાહકોએ કહ્યું સાજો આવજે, લગ્ન બાકી છે

અક્ષય કુમાર, રજનીકાન્ત અને અજય દેવગન બાદ હવે વિકી કૌશલ આ એડવેન્ચરસ શૉમાં ભાગ લેવા જઈ રહ્યો છે.

વિકી કૌશલ (તસવીર સૌજન્ય મિડ-ડે)

છેલ્લા કેટલાક સમયથી ડિસ્કવરી ચેનલના મોસ્ટ પૉપ્યુલર શૉ In to the Wildના હોસ્ટ Bear Gryllsનો રસ બૉલિવૂડ સ્ટાર્સમાં વધ્યો છે. અક્ષય કુમાર, રજનીકાન્ત અને અજય દેવગન બાદ હવે વિકી કૌશલ આ એડવેન્ચરસ શૉમાં ભાગ લેવા જઈ રહ્યો છે.

જો કે, વિકી હાલ પોતાની વર્કલાઇફ કરતા પોતાની પર્સનલ લાઇફને કારણ વધારે ચર્ચામાં છે. છેલ્લા કેટલાક સમયથી વિકી અને કેટરીના કેફના લગ્નની ચર્ચા ખૂબ જ થઈ રહી છે. એવામાં વિકી કૌશલનું આ શૉમાં ભાગ લેવું અને તેની પોસ્ટ કરવી ચાહકોમાં ચિંતા જન્માવે તેવું છે.

પોસ્ટ શૅર કરતા વિકી કૌશલે લખ્યું છે, લાઇફ ટાઇમનું એડવેન્ચર એક્સપીરિયન્સ સર્વાઇવલ એક્સપર્ટ Bear Grylls સાથે. હવે જોઈએ આગળ મારી માટે શું પ્લાન કર્યું છે. 12 નવેમ્બરમાં પ્રીમિયર થશે શૉ.

ચાહકોના ફની રિએક્શનથી ભરાયું કોમેન્ટ બૉક્સ
સોશિયલ મીડિયા પર ચાહકોના રિએક્શન પણ ખૂબ જ રસપ્રદ છે. એક તરફ જ્યાં ચાહકો તેને આ શૉ માટે શુભેચ્છાઓ પાઠવી રહ્યા છે, ત્યાં બીજી બાજુ અનેક ચાહકોને તેની ચિંતા છે કે લગ્ન સમયે ક્યાંક વિકી ઇજાગ્રસ્ત ન થઈ જાય. તો વિકીની મિત્ર માલવિકાએ પણ આ પોસ્ટ પર રિએક્ટ કરતા લખ્યું છે કે તું મારા સપનાને જીવી રહ્યો છે.

સાજો પાછો આવજે, લગ્ન છે
ચાહકો કોમેન્ટ બૉક્સમાં લખે છે કે, લગ્નના એડવેન્ચર પહેલા જ વિકી કોઇક અન્ય એડવેન્ચરમાં જઈ રહ્યો છે. તો અન્ય ચાહકે લખ્યું છે કે, લગ્ન પહેલા બધા એડવેન્ચર માણી લે. તો બીજા એક ફેને લખ્યું છે કે સાજો પાછો આવજે, લગ્ન કરવાના છે. ડિસેમ્બરમાં થનારા રિયલ એડવેન્ચર માટે એક્સપીરિયંસ લઈ રહ્યો છે. યૂ વીલ રૉક...

જણાવવાનું કે આ એડવેન્ચરસ શૉમાં વિકી કૌશલ સિવાય બૉલિવૂડના સ્ટાર્સ જ નહીં પણ પ્રાઇમ મિનિસ્ટર નરેન્દ્ર મોદીએ પણ ભાગ લઈને દેશને ચોંકાવી દીધો હતો.